Hnahthial district-a Cherhlun khuaah fur zikhlum chingtute chuan an zikhlum tharchhuahte an seng leh mek a. An zikhlum seng hi a hmun Zo-zauah District Horticulture officer Lalthakima leh a staff-te chuan a hmunah tlawhin an enpui.
Kumin hian Cherhlunah chhungkaw 42 velin fur zikhlum hi tin 40 hmun velah an ching a. An zikhlum chin hi ‘Ryozeki variety’ niin, a chi hi Horticulture department atanga an dawn bakah anmahni’n an inngaihtuah thin bawk. Fur zikhlum chin hi kum 2019 atang khan Horticulture department hmalaknain enchhinin bul an lo tan tawh a. Nikum lamah quintal 900 vel tharin kuminah erawh ni sa leh ruahin a tihchhiah nasat avangin quintal 700-800 vel thar an inbeisei a ni.
Cherhluna zikhlum chingtute hian Zo Zikhlum Society Cherhlun an din a. Loneitute zikhlum thar hi Aizawl, Lunglei leh Lawngtlai ah an thawn thin. Kumina an seng vanglai tak hian a hmunah kharchhawngin Rs.25-in an la a. August atanga October chhunga phai zikhlum lakluhin a hralhna tur leh a manah nasa takin a ngawng thin a ni.
Cherhlun-in zikhlum qtl. 700 thar tlin an inbeisei
Get real time updates directly on you device, subscribe now.