Chetsualnaah pahnih thi
Novemebr 6 khan hmun hnihah lirthei telna chetsualna a thleng a, nunna chan pahnih an awm.
Ningani zing khan Henry Lalnunthara (22) s/o Ramdinliana, Bungzung chu truck-in a chil a, a hmunah a hliam tuar loin a thi. Thudawn danin Henry-a hi truck khalh a ni a, Nilaini khan Thingsul daia truck dang chhia siam ngai awm chu siampui turin a kal a, zing dar 2.30 velah truck siam mek khalhtu hian a siam zo tawh emaw tiin truck hi a tinung a, a hnuaia la awm Henry-a hi a chil zui ta nia sawi a ni. Bawihsawm nghal ni mah se, chhan hman a ni lo a ni. Ningani khan an khuaah vui a ni.
Ningani chawhma dar 11.00 vel khan Hmingthangi (76) w/o B Liankhuma, Venghlui chu bus in hrut a, hliam na tak tuarin Ebenezer damdawi in panpui ni mah se, a hliam tuar loin a thi. Thudawn danin a sutu hi line bus, Salem Veng – Bazarpui inkara service niin, Bethlehem Veng huamchhungah kea a kal laiin bangah a sut chilh nia sawi a ni. Bus khalhtu hian nikhua a hre loa, driver dangin an lakchhuah hnu ah an inbuaipui zui theih chauh nia sawi a ni bawk.
Chetsualnaah pahnih thi
Get real time updates directly on you device, subscribe now.
Next Post