Chhattisgarh-a Congress Manifesto – LPG Subsidy

Chhattisgarh Chief Minister leh Congress hruaitu Bhupesh Baghel chuan Pathianni khan Congress Party Manifesto ‘Bharose ka Ghoshna Patra 2023-28’ a tlangzarh.
Baghel chuan hnehna an chang a nih chuan an state chhunga chi hrang hrang awmte tan chhiarpui neih a nih tur thu sawiin gas cylinder khat Rs.500-a sem a ni ang a ti. Member-90 awmna Chhattisgarh assembly election hi chhawng hniha neih tur niin November ni 7 leh 17 ah neih a ni ang a, December ni 3-ah vote chhiar a ni ang.
Congress Party-in manifesto-a an intiamkamna te – 1. Loneitu te loan puk nuaibo vek. 2. State chhunga chi hrang hrang chengte chhiarpui neih, 3. Loneitute buh quintal khat zelah Rs.3,200-a lak a ni ang a, Rajiv Gandhi Nyay Yojna hnuaia lo neihna hmanrua chi hrang hrangte buh chingtu lo nei mite hnenah pek an ni ang. 4. KG atanga PG thlengin free education pek an ni ang, 5. Tenu leaf lakkawmna rate tihsan tur niin tuna Rs.4,000 per standard sack ni mek hi Rs.6,000-ah tih san a ni anga hnah lakhawmtu in kum khatah Rs.4,000 zel hlawh a nei tawh ang, 6. ‘Mahtari Nyay Yojana’ scheme thar hawn a ni anga, hmeichhia tupawhin cooking gas cylinder khat Rs.500 zelin an la ang.
Baghel chuan manifesto an chhawpchhuah te zingah tuna hman lai mek lo awm pawh nise Congress a sorkar a nih chuan hman chhunzawm zel tur a ni ang a ti. Hetih lai hian Inrinni khan Congress chuan BJP manifesto Zirtawpni-a an tlangzarh chu lehlin sakin ‘Entawna siam chawp’ an tih saka, inthlan chu thil thlawn pek ang leka an sawisel laiin tunah chuan mipui vote ngenin election-a hnehna an chan theih dan kawng an zawng ve leh si, an ti a ni.
“Nimin lawkah BJP te chu an manifesto nen an rawn pen chhuak ve ta. Revdi leh kan PM-in a tiam a ni’ tih sawiseltu te, BJP manifesto chu midang tih entawna siam chawp ve mai a ni. LPG Cylinder, buh kharna man…heng zawng zawng hi Congress intiamkamna vek a ni. Rahul Gandhi-an kan ‘tiam’ tih tawngkam a hman chu BJP te hian nasa takin an sawisel a, mahse hei tunah chuan ‘Modi-an a tiam’ tia an sawi ve tak dum dum tho hi” tiin Jairam Ramesh chuan chanchinbu mite hmaah a sawi a ni.