Manipur buai avanga Zo hnahthlak thahnem tak an chenna in chhuahsana chhawmdawlna hmun (Relief camp) a awmte thilpek hlan turin Indian Youth Congress & MPYCC Relief Team chu Pathianni khan Manipur panin an chhuak.
Congress Thalai president Laltawnliana chuan thla hmasa khan Thingdawl leh Rengtekawna Manipur atanga Zohnahthlak raltlante tanpuina pein an lo tlawh tawh a, a theih ang anga tanpui zel an tum bawk tih a sawi a. Indian Youth Congress (IYC) chuan June 19 – Rahul Gandhi piancham pualin, state hrang hranga Youth Congress-te chu midangte tanpuina ni atan hman nise tih a nih angin, he ni denchhen hian IYC leh MPYCC chuan Manipur buai avanga Zohnahthlak thahnem tak an chenna in tlansana Relief camp-a awm mekte tanpui an rel tih a sawi a ni.
Nitin mamawh tur chi hrang hrang bakah damdawi thahnem tak Manipur-ah phurlutin Indigenous Trible Leader Forum (ILTF) hotute kutah hlan a ni ang.
A hmuna chhawmdawlna pe tur hian IYC secretary Mizoram & Manipur in-charge Sarifa Rehman bakah Congress Thalai hruaitute an kal a ni.
Chhawmdawlna pe turin fehchhuak
Get real time updates directly on you device, subscribe now.
Prev Post