Clasico hnehtu Barca

Clasico hnehtu Barca
La Liga title race-a inum mek Barcelona leh Real Madrid chuan Pa-thianni zanah El Clasico khelin, beiseina chhe te la nei chhunzawm tura chak ngei ngei mamawh Spa-nish gianst-in Nou Camp-ah point an thawkchhuak zo lo a, an kawtkaia 2-1 hnehna nen Catalan team lamin table-a an hma-hruaina sawhnghetin, anmahni hnaihbertu Mad-rid club lakah hian point 12 laiin an sang ta.
An khelmuala thutna awm zawng zawng deuh thaw khat veka mipui 100,000 dawn pung-khawm hmaah Barca an chesual hmasa a, tan atanga minute kuana lekah Vinicius Jr cross chu Barcelona defender Ronald Araujo chuan an lam goal-ah a tilut palh a; mahse, chawlhlawk hma lawkin Sergi Roberto chuan mualneitu team siphurh a sut leh hman.
Goal khat ve ve thuna inhnehtawk mai thei din-hmuna an din tawh hnu hun pekbelh minute hnih-na a kal mek laiin Franck Kessie chuan Barca chakna goal a thun a, kum li hnua a vawikhatna atan Xavi team tan league title a hmin ngei dawna ngaih-na a lian zual sauh.
Inkhel nung leh hmuh-nawmah tan phat atangin Barcelona-in an nawr na nghal a, minute rukna lekah goal pawh an hlawhchhuak nghal teuh hle a, mahse, Raphinha tauhluh tur chu pui takin Real goalkeeper Thibaut Courtois chuan a dansak.
A kut dinglama ball a namper letleh hi Roberto chuan la fuhin, mikhual goal lamah thaw vuai khawpin a thawn phei a, goal kham chung chiahah a thlawkchhuak hlauh.
Courtois hian title la turin an dinhmun chu chhe zawk ngial tawh mah se eng lai maha bansan ve ngai lo team an nih thu leh season tawp hma chu thil thleng thei lo a awm loh thu a la sawi fan!
April ni 1-ah Barca-in Elche an luhkhung ang a, a tukah Real Madrid leh Real Valladolid an inkhel zui ve leh ang.