Indian Wells title hawntu Rybakina

Indian Wells title hawntu Rybakina
Pathianni final-ah 7-6 (13-11) 6-4-a rinkai zawk Aryna Sabalenka hnehin Wimbledon champion Elena Rybakina chuan a vawikhatna’n Indian Wells women’s title a hlawhchhuak a; a career-a WTA 1000 trophy a lak vawikhatna niin, Thawh-tannia WTA ranking thar tarchhuahah pasarihna a luah chho ta bawk.
Moscow khawpuia piang, a hnu lama Ka-zakhstan hminga inziaklut zui ta Rybakina hian kumin January thla Aus-tralian Open final-a a ngam loh Belarusian Sabalenka lakah straight sets hmangin phuba a la a, world number two a tum tawh vawingaa a chak vawikhatna a ni.
Kumin Melbourne final-ah set thum khelh hnua Rybakina hnehin Sabalenka kutah a tum-khatna’n Grand Slam title a lut a; tunhma lama an lo intum tawh dan enin California thlalerah pawh rinkai zawk a ni leh ngei a, mahse, tuntum chu 10th seed Rybakina a dingchang ve ta zawk mial a ni.
Kum 23 mi Rybakina hian last 4 lamah defen-ding champion leh world number one ni bawk Iga Swiatek hnehin, a vawi-khatna’n WTA 1000 final a lut a; second seed Sabalenka nena vawinga an intumnaah chak ve tawkin, a career kal laia WTA singles title vawili a lak tlinna chiah a ni.