RK Dawla
Mb 9366095658
-- Advertisement --
1. March thla kan chuangkai a. Khua a ro chakin, thlifîm a tam chhova. Chhurbura hun lai ata tawha kan la sim theih loh, lo hâl kan hluah hluah kha tlang tin mual tinah hmuh tur a awm chho leh mêk a. India ram leh lo hâl hi chu a inhmeh ve rêng rêng a. Thlasik a inan chiah a, Indian farmer tam tak chuan, wheat chin an duh vangin buhpawl leh vaimim ruang ilo state dangah pawh an hâl khu luih luih hin. Keini rama kan buaina dang leh hin erawh – kan vah-bâk ramngaw kan tikâng duai duai hin hi. Nimin lawkah pawh Reiêk-Ailawng ram a kang leh duai duai a nih kha. Lo/huan tur kan hâl chu thuhran nise, hâl luih nia rin theih tak kum tin ramkâng case kan nei reng mai hi thil pawi tak a ni âwm e. Kum tin lo vât a, hâl luih luih hin hi khawvel map en chuan, hnam changkang tak an awm lo khawp mai.
2. Kan sik leh sa danglam chak êm êm mai hian thil tam tak rawn thlenin a rawn thlen zel dawn bawk a. Vawiina kan hmuh leh hriat theihah pawh kan lui tuihnâ kiam chak tak te, thlai tâm hri hluar leh thar hlawk lo te, eichhetu rannung leh natna puang te kan hmabâk chho mawlh mawlh a. Kan thlaite chauh ni lovin, kan leilung zawk ngaihpawimawh tel kan uar a ul ta hle. A nihna takah phei chuan, eng thlai nge kan chin ang tih aiin engtinnge leilung kan enkawl ang tih kha kan thupui a hun tawh hle. A chhan chu thlai chin leh enkawl kawnga kan harsa tam ber hi chu leilung leh a kaihhnawih harsatna an ni zel hin, phat rual a awm lo. Lei hatna vawnhim, siam belh leh zir chian ngai pawimawh lovin, fertilizers leh pesticides hmanga by-pass kan tum a, engemaw chenah hlawhtlingin inhre mah ila, kan tlo (sustainable) lo hle. Hnam mâwl chuan thui kan thlir lova, rei lo tê-a hlâwk êm êm kan tum avangin, hma kan lâk nasat poh leh kan ram (environment) kan tichhe nasa ting mai a, kan tu leh fate hmakhua rêng kan dâwn pha hin lo. Kan chenna tur in leh lo kan sak duhdanah pawh kan thlir thui lo êm êm a, chhiat-rupna lo thleng thei tur mil deuh tura in leh lo din lam kan thlûk lutuk lo.
3. Kum tin hâl kan tuar a, kum tin furpui kan hrawn a, khêl lovin thlasikin min nang a. Mahsela, kan sik leh sa, kum tina kan hrawn ziah pawh, a mil turin kan insiamrem thiam lo êm êm a. Khua a lo hâlin, “A lum êm mai” tiin kan phun kan phun a, ruah a sûr lahin “Sûr duh êm mai” tiin kan insawh tau bawk a. “Ni a sa thei lutuk a, engmah kan ti thei lo” tih te, “Ruah a sur duh lutuk a, kan che thei lo” te kan ti mai mai a. Nisa leh ruahsur kan dawn dan hi a kum tin ang zawng chuan, a danglam tam lutuk lo. Tin, kan va tihdanglam theih loh khuarel kalphung hi chu a mil tura insiamrem tum mai hi a finthlâk zawk daih a. Fur a nih laiin khua a hal leh dawn tih hre karin, chutih huna farm operation kalpui dan tur kha kan ngaihtuah phâk a ngai a. |hâl a nih laiin, fur tuihawkin kan leilung a hawrh dan tur kan ngaihtuah lâwk thiam a hlu hle. Ramdang leh state dangte sik leh sa ngaihtuah chuan, sik leh sa nuam tak Pathianin min pe a. Hei hi lawm taka pawmin, kan sik leh sa nuam tak mil turin ruahmanna engkim kan siam fel a, kan ruahmanna tipuitling tura a hun taka kan thawh chat chat thiam a pawimawh êm êm. Entirna pakhat sawi ta ila, fur khawchhiat zual lai July-Sept hi thlai kumhlun chingte tân chuan, hnim sàm hun a ni lo. Thlai bul keu fai mai kha a tâwk êm êm. Kan sâm duh a nih chuan, tuihâwk siam nasatu ruahtui tlêm tawh hnu leh hnim pâr tak tak hma, october thla kha a tâwk êm êm. Fur chhiat laia huan hnim sàm chu a sâwt lova, intihpalh a hlauhawm a, sehfâ a tam a, hnim hmanga leilung intuam dam tur kan sàm daih zel khan lei a da chak êm êm. Thlai kumhlun hmun chu hnim kha zuah chang hlekin, sám chauh ila, thlai pawhin an ngeih zawk êm êm. Kan sik leh sa mila inher rem thiam kan mamawh a, ngaihtuahna kan sên a ngai takz