CM-in camping neihna tlawh

Central KTP buatsaiha Synod Revival Camping Centre Neihbawiha ‘Chhanchhuahna Camping’ neih mek chu September 18 khan chief minister Zoramthanga chuan a tlawh a. CKTP hnenah camping puihna Rs. 50000 a hlan.
Chief minister hian a instagram account kaltlangin Chhanchhuahna Camping neihna hmun a tlawh thu tarlangin, camping buatsaihtu Central Kristian Thalai Pawl leh rawngbawltu team, KTP branch hrang hrang atanga member thawkchhuak thin leh a hmuna rawngbawl hna peng hrang hrang thawktute rawngbawlna leh inpekna a hmuhin fakawm a tih thu a sawi.
“Senso hautak hle mah se, hetiang hun tha tak buatsaih a ni hi a mamawhtute tan a hlu em em a, camping-a awm mekte pawhin Pathian chhanchhuahna leh siamtharna ropui tak an chan theuh ka duhsak a ni,” a ti.