Mizoram Pradesh Congress Committee (MPCC) treasurer bang ta Zodintluanga Ralte, MLA chu Thawh\anni khan MPCC general secretary atan ruat a ni a, a tukah sut (cancel) leh nghal a ni.Mizorama political party-ah hian president, vice president leh treasurer te hi a lu ber, elected office bearer an ni a, elected office bearer hi mi dang an awm chang a awm ve chauh. Thorang bialtu Zodintluanga Ralte hi a bansan tak aia hniamah MPCC president-in a ruat a ni.
Thawhtanni-ah general secretary atana ruatna appointment order a chhuak a, a tukah order dang, “Kan hotute tih dan angin, ni 22.05.2023 (Thawhtanni)-a Pu Zodintluanga Ralte, MPCC general secretary atana appointment tih chhuah chu ama duh dan angin cancel a ni e,” tih inziahna a chhuak nghal.
A bial lama thang mek Zodintluanga chuan general secretary atana ruat a ni tih a hriat veleh an president a phone nghal thu a sawi a, “Cancel turin ka ngen,” a ti.
“Treasurer atangin kan chawl chauh a, general secretary atana inruat leh hi thil nih dan tur a ni lo a, a kawnghmang lo,” tiin general secretary atana ruatna sut tura a ngen chhan The Aizawl Post a hrilh.
“Lungawi lo ka ni lo a, he thil hi lungawi lo zawngin ka la lo. Amaherawhchu, a kawnghmang lo em a, pawm chi a ni lo alawm. Mi nuih a za ang tih pawh a hlauhawm zawk a,” a ti.
General secretary atana ruat a nih dawnin amah hrilh lawk emaw inrawn emaw a awm loh thu a sawi a, “Min rawn a ngai lo a, inrawn a ngai lo alawm,” a ti.
“Congress ka ni,” tiin party-ah a ngheh thu a sawi a, Congress Legislature Party (CLP) leader a nih thu sawiin, “Kan constitution-ah CLP leader hi a pawimawh a, nomination committee pawh thlan tur a nih laiin CLP chu thlan ngai lova tel sa a ni a, MLA te hi executive committee member ni sa an ni bawk a, Congress ka ni reng e,” a ti.
Congress GS atang Zodintluanga, ruat rualin sut leh
Get real time updates directly on you device, subscribe now.