All India Congress Committee 85th Plenary Session, Raipur Chhattisgarh-a neihah MPCC president Lalsawta chu thutkhawm pawimawh bikah telin, Inrinni khan vantlang inkhawmah India ram Congress hruaitu langsar thusawina hun pek zingah a tel.
MPCC president chuan India ram state dangte pawhin an entawn tham Mizoramah sawrkar tha din a tum thu te, chutiang turin Mizoramin mipui tha tak kan neih thu te, Pathianin ram tha tak min pek thute a sawi a. Kumin inthlanah Congress party-in sum tha chakna chhutchah a tum thu leh sawrkar ngei an tum thu te, Congress sawrkarah ram mipui an retheih laia ram roreltute an hausak thur thur a rem ve loh tur thu te a sawi a ni.
AICC Plenary Session-ah hian Lalsawta bakah Mizoram atangin AICC member – CS Thanga, GS i/c AICC, MPCC thupuangtu Dr Lallianchhunga, Mahila president Vanlalawmpuii Chawngthu leh Congress Thalai president Dr. Lalmalsawma Nghaka te an tel a. India ram state hrang hrang atangin AICC member mi 15000 vel an tel a ni.
He hunah hian resolution engemawzat chhawpchhuah niin, Congress Working Committee chungchang leh 2024 Lok Sabha inthlan tura hmachhawp hrang hrangte an ngaihtuah a. Congress hruaitu boral ta te sunna hun hman niin, AICC member, Mizoram minister hlui PC Zoram Sangliana (L) pawh sun zingah a tel.
Congress hotu intawhkhawmah MPCC hruaitu in thu sawi
Get real time updates directly on you device, subscribe now.