Prime Minister Narendra Modi chuan May 21 khan Opposition Congress party INDIA (Indian National Development, inclusive Alliance) bloc, Rashtriya Janata Dal (RJD) te chu nataka sawiselin chutihrualin corruption, reservation, inflation, abrogation of article 370 leh Ram temple chungchang te a sawi bawk a.
“Congress party hian sakhuana behchhana reservation kalpui an duh a. Baba Sahib Ambedkar kha awm lo se chuan PM nehru khan Scheduled Caste (SC) leh Scheduled Tribes (ST) hi a kalpui hauh lovang” tiin PM Modi chuan Motihari, East Champaran district a public meeting a neihnaah a sawi.
May 20 khan Modi chuan Patna lutin tun hnai lawka nunna chan senior State party leader leh Deputy CM hlui Sushil Kumar Modi chenna in a tlawh hnuah Bihar BJP party headquarter tlawhin Raj Bhawan ah a riak thung.
Opposotion te hian SC/ST/ OBC (Other Backward Class) reservation laksak che u a, jihadis te hnenah pek an tum a ni. Chumi tur chuan constitution thlak danglam an tum, tiin PM Modi chuan a sawi bawk a, “chutiang a thlen loh nan chuan center ah sorkar chak a din a ngai” a ti bawk.
Prime Minster Narendra Modi chuan Jammu and Kashmir a article 370 nuaibo, Ayodhya a Ram temple sak leh eirukna te chu Congress leh RJD te beih nan a hmang bawk a.
“Ram Lalla consecration ceremony ah Opposition ten sawmna an hnawl a. Eirukna avanga thubuai neite chenna in ah chuan chaw an ei hman thung” tiin PM Modi chuan a sawi a, hei hi Congress leader Rahul Gandhi an RJD chief Lalu Prasad leh a fapa Tejashwi Yadav te nena Delhi a chaw an ei ho chungchang a sawina a ni.
“Silver spoon nena seilian te hi chuan retheihna tka tak an hrethiam lo, mahse, Modi chu nu rethei tak atanga piang a nih avangin retheihna a hrethiam a, mirethei te a phatsan thei lo” tiin Modi chuan a sawi bawk.
RJD chief Lalu Prasad chu sawisel bawkin, “Hna tawktarha in ram chhuhsak tu hian a ngaihtuah che u inring em ni?” a ti bawk a.
PM Modi chuan NDA sorkar thil tih that te sawi lang bawkin a sorkar chuan mirethei te hnenah free ration a pe a ti bawk a. “Congress ten eng vangin gne Modi hian mirethei te hnenah a thlawnin ration a pek an tia mak an ti a ni. A chhan chu retheihna hi ka hriatchian vang a ni” tiin a sawi bawk.
“Opposition te hian issue engmah an nei lo PM Modi sawisel chauh an bauipui a. An hruaitu pakhat chuan PM hi bed rest rawh se a ti a. Kei chuan he rama tute mah hi an bed rest tur a ni lo ka ti a ni. Jungle Raj chhawmtute atangin eng nge beisei tur awm? Modi chu mitin thinlungah a nung” tiin a sawi a. Hei hi tun hnaia RJD leader Tejashwi Yadav an PM chu bed rest tawh rawh se a tih a chhanna a ni.
“Congress ten he ramah kum 60 leh generation thum ro an rel a. Nurethei tak dapa chu hun remchang pek niin Modi an thuneihna a chan hnuah in tinin toilet, electricity an nei ta a ni. Modi chuan in tinah cooking gas leh tap water te a pe bawk a. Congress te hnuaiah chuan rethei te chu an rethei zual zel” tiin a sawi bawk a.
“In pumpui tihpuarna khawp chauh an pe che u a, mahse, an cupboard te chu currency note in a khat thung” tiin a sawi bawk a. Hei hi tun hnaia ED tena Jharkhand a Congress party leaders te chenna in an dapnaa pawisa note an man a sawina a ni.
“Mi rethei fapa in thuneihna a chan hnuah mirethei te chu ngaihsakin in awm ta a ni. Modi guarantee leh hnathawh te la tihpuitlin zawhloh te chu kum nga lo awm leh chhungin kan tihlawhtling ang a. Center ah sorkar chak a awm a ngai” tiin a sawi bawk.
“Inthlan thawhkhatnaah INDIA alliance an chak a, mahse, a hnu lehah an chechhia a, thawh ngana hnuah phei chuan hnehin an awm tawh. Khawvelin June 4 ah hneha an awm a hmu ang” tiin PM Modi chuan a sawi bawk.
Congress te sakhuana behchhan tumah puh
Get real time updates directly on you device, subscribe now.
Next Post