Rajiv Gandhi thih champha pualin MPYCC-in hun hmang

May 21 kha India Prime minister hlui leh Congress hruaitu hlui Rajiv Gandhi thih champha a ni a. National Anti-Terrorism Day atana hman thin a ni a, hemi denchhen hian Mizoramah pawh Congress Thalai-in hun an hmang.
Congress Thalai president Laltawnliana chuan Rajiv Gandhi chu Mizoram Peace Accord ziahna tura mi tangkai, khatih hunlaia sawrkar laipuia mi tam zawkin ‘helna in lukhawng a nei tur a ni lo’ tih ngaihdan nghet tak an neih lai pawha remna tluantling siam duhtu a ni a, Mizoramin remna kawng chak takin a zawh theih phah tih a sawi.
Rajiv Gandhi thih cham, May 21 chu National Anti-Terrorism Day-a ram puma hman thin a nih laiin, BJP sawrkar hnuah rawlrala chetna dodalna ni hian ngaihpawimawh a hlawh zo ta loa, tunhma zawng aia firfiaka chetna a thleng nasa chungin, central BJP leh Mizoramah pawh tualto party BJP thawhpuite pawhin engahmah an ngai loa, ram mipui kan him lo zual hle, tiin a sawi.