Ram inchuhna National Commission for Scheduled Tribes (NCST) tena an chhuichian mek karah Manipur police te chuan Thangjing Hills tlang luhnaa banner dah chungchangah FIR an thehlut a. He tlang hi Meitei leh Kuki-Zo community tena an ram tia an hauh ve ve a ni.
Community pahnih te chu State chhungah la inbakaih reng an nih laiin Manipur sorkar hnuaia Land Resources Department te chuan complaint an thehluh behchhanin FIR thehluh a ni ta a ni.
He tlangluhna gateway siamah “Kuki National Front – Military Council KNF-MC Kuki Army Thangting Camp” tih ziah a ni a. Land Resources Department te chuan social media a thlalak tihchuahah Thangjing Hills tih chu “Thangting” tia thlak a ni an ti a ni.
Manipur sorkar chuan helai hmun hi history thilah pawh pawimahwna thuktak nei a nih avangin protected area a puan a ni a, tichung chuan Manipur Names of Places Act of 2024 bawhchhia in a hming thlak a ni an ti.
Chief Minister N. Biren Singh pawhin X apost a siamah sorkar phalna la hauh lova hming thlaktute lakah hremna lekkawh a ni ang a ti a. “Manipur Names of Places Act, 2024 hnuaiah Thangking Ching tih chu Thangting tih a nih avangin case ziahluh a ni” tiin a tarlang.
He tlang hi koh dan a in ang lo va, Kuki-Zo te chuan Thangting Hills an tih laiin Metei te chuan Thangjing Ching emaw Thangjing Hills tiin an ko ve thung.
Complaint an siamah Land Resources Department te chuan, “Thangjing Hill hi Churachandpur-Protected Forest huamchhunga awm niin September 1966 khan Section 29 of the Indian Forest Act, 1927 hnuaiah protected area a puan a ni. Thangjing (Thangjing Ching) hi history ah pawimawhna thuk tak a neih avangin Art and Culture Department, Government of Manipur chuan Section 4 of the Manipur Ancient and Historical Monuments and Archeological Sites and Remains Act, 1976 hnuaiah protected site ah a puang a ni” tiin tarlan a ni.
He tlang hi Churanchandpur leh Bishnupur district inkara buffer zone laitaka awm a ni a, Kukis leh Meiteis te chuan sakhuna leh cultural thilah pawimawhna thuktak nei ve ve a an ngaih a ni a. May 3, 2023 a buaina chhuah atang khan he tlang inchuhna hi a nasa hle a ni.
Helai hnaiha Kuki-Zo village chief leh civil society organisation te chuan he tlang hi an ram chhung a ni an ti bur a, Manipur sorkar chuan protected area a ni an ti ve thung.
Kumin February thla khan Manipur sorkar hnuaia Department of Forests, Environment, and Climate Change te chuan Governor kaltlanga thupek chhuahin Ukah Loikhai, Kuki-Zomi village chief in an ram anga chhal chu hnawlin inquiry tihmek a ni an ti a.
Thupek chuan Kuki-Zomi khua chu Churachandpur-Khoupum Protected Forests huamchhung pawna awm a ni tiin tlang chu protected land a nih avangin dan kalhin an luah zawk a ti a. State sorkar chuan Kuki-Zomi khua chu a chhuichiang mek tiin a tarlang bawk.
He mi hnu hian village chief Thenkhomang Haokip chuan State sorkar leh National Commission for Scheduled Tribes hnenah lehkhathawnin a ram re-classify a nihnaah No Objection Cerfiticate a lak atangin lak a ni lo a ti ve thung.
Kum 2023 a Manipur a hnam anga intihbuaina a chhuah hnu khan NCST te chuan complaint chu la thutak hle in investigation an nei tan nghal a ni.
Manipur-ah Thangting tlang inchuhna
Get real time updates directly on you device, subscribe now.
Prev Post
Next Post