Congress leader Rahul Gandhi chuan Nationalist Congress Party (NCP) president Sharad Pawar chu hmuin NCP-in buaina an tawh mek chungchanga Congress dinna hrilhin sawi dunna an nei a.
Gandhi chuan Congress chuan NCP harsatna tawh lai chu remchangah hmangin chet lak a tum ve lo va, Sharad Pawar a thlawp tlat dawn tih a hrilh a ni.
Congress top brass te chuan Maharashtra unit te pawh legislative Assembly-a Leader of the Oppositon (LoP) dinhmun awl mek chu chuh tum chung lo turin hrilh an ni bawk a.
NCP MLA 53 zinga 32 te chuan Ajit pawar an thlawp tia sawi niin 18 te chuan Sharad Pawar an thlawp tih a ni bawk a. Congress chu Maha Vikas Aghadi (MVA) coalition a MLA 45 nei awm chhun niin Uddhav Thackeray-led Shiv Sena (UBT) te chuan 17 an nei thung.
“LoP chungchang hi chu a hunah thutlukna kan siam mai ang a, tuna buaina denchhena hamthat lo chuh tum tur a ni lo. Kan thawhpuite an ni a, Pawar Saheb hi kan thlawp tlat a ni,” tiin Maharashtra Pradesh Congress Committee president Nana Patole chuan a sawi.
Nana Patole chuan NCP buaina chu reh se chu mi hnuah Shiv Sena (UBT) leh NCP te nen inhmukhawmin thutlukna an siam ang a ti bawk a. “LoP dinhmun chuh vat hi kan tum lo, House Speaker in thutlukna a siam mai ang,” tiin a sawi bawk.
Chutih rual chuan BJP te chu oppsition party te chu ‘sorkar agency ED [Enforcement Directorate] and the CBI [Central Bureau of Investigation] te kaltlanga’ nuaichimih tuma ‘democracy rek beh tum’ tiin a sawi bawk a. “BJP te hian politics bawlhhlawh khelin chak dawn lova an inhriat avangin opposition te hawlh phel thupui an nei a ni,” tiin a sawi bawk.
Congress ten remchang lak tum lo : Rahul Gandhi
Get real time updates directly on you device, subscribe now.
Prev Post
Next Post