Kan chanvo palzam a nih loh nan ‘consumer’ kan nih anga kan dikna chanvo hriatchian a pawimawh tih Kolasib bawrhsap John LT Sanga chuan a sawi.
Kolasib District Consumers’ Union (KODCU) general meeting 2024 chu Thawhtanni khan Kolasibah neih a ni a. Hmanpuitu district bawrhsap chuan, ‘consumer’ chuan pawisa hmanga indawrtawnna a tel zawng zawngte a huam avangin ‘consumer’ zingah kan tel vek a ni tih hriat a pawimawh tih sawiin, “Kan chanvo palzam a nih loh nan consumer kan nih anga kan dikna chanvo hriatchian a pawimawh a. Chumi tur chuan hriat tur tul inhrilhhriatna buatsaih fo a tul a ni,” a ti.
Khawvel changkanna ina a ken tel thiamna hrang hrang pawh awlsam zawka insumdawntawn nan hman tangkai mek zel a nih rualin inbumna a hluar chhoh ve zel a, chu’ng thil tha lo hluar zel tur ven nan Consumer Union chu pawl pawimawh leh tangkai tak an ni tih a sawi a ni.
Consumer leh mipui kaihhnawih sawrkar department hotuten thu an sawi a, mipui tana an service pekchhuah chungchanga zawhna awmte an chhang bawk.
Consumer dikna chanvo chian a tul – Kolasib bawrhsap
Get real time updates directly on you device, subscribe now.