MP inthlana duty Mizoram Police zinga vote thlak ve ta lo ten vote an thlak theih nan Congress party chuan High Court-ah PIL thehluh an tum.
MPCC president Lal Thanzara hoa MPCC elected OB thukhawm chuan, IR Battalion-te Lok Sabha inthlan atana UP, Bihar leh Madhya Pradesh a duty tura kal mi 1047-te vote thlakna hun siamsak an ni lo chu an ngai thutak hle a. Hma la turin chief electotral officer Mizoram hnenah May 13 khan lehkha an lo thehlut tawh a. CEO hnen atanga chhana an hmuh angin Election Commission of India-in vote thlaktir a tum lo nia a lan avangin, police-te hian vote an thlak ngei theih nan Gauhati High Court Aizawl Bench-ah PIL thehluh nise an ti.
Hemi buaipui tur hian MPCC Legal Cell chairman TT Zothansanga leh a team te ruat an ni tih sawi a ni.
Vote thlak lo police-te thlak tir tumin Congress-in hma la
Get real time updates directly on you device, subscribe now.