Cooperative society-a thawhho dankan thiam tawk lohna kan zirchiang

• Cooperation minister

Cooperative society-a thawhho dan
kan thiam tawk lohna kan zirchiang

• Cooperation minister
  Mizote chu kohhran leh tlawmngai pawla thawk ho tha thei hle si, cooperative society-a kan thawk ho tha tawk lo thin chu zirchiangin siamthat an tum tih Cooperation minister PC Vanlalruata chuan a sawi.
  Zirtawpnia Khumtung khuaa Rumliana Multipurpose Primary Agriculture Credit Society (M-PACS) a hawnnaah minister chuan, India ram hmun hrang hrangah cooperative society hlawhtling takin a ding nasa a, chhungkaw tam takin dinchhuahna atan hmang tih a sawi.
  Mizoramah pawh cooperative society kan hmelhriat chho ve a, chutihrualin a kalpui dan kan thiam tawk lo deuh nia a lan thu sawiin, “Cooperative society changtlung tak takte a chhunga buaina leh harsatna avangin a lo tlusawp tawh a ni,” a ti.
  ZPM kaihhruai sawrkarin thlai thar a leina kawngah M-PACS engemawzat hmang tangkaiin, anmahni kaltlangin sawhthing tam tak an lei tih PC Vanlalruata hian a sawi. “Kohhran leh NGO ah lungrual taka ke kan pen theih laiin, cooperative society-ah kan la lungrual thiam tawk lo deuh niin a lang a, thawhho dan kan thiam tawk lohna zirchiangin siamthat kan tum a ni,” a ti.