Copa America USA 2024 final halftime-ah Sakira perform dawn

CONMEBOL chuan Copa America USA 2024 final, an rama July ni 14 zan (keini tan July ni 15, Thawhtanni, zingkar) a halftime-ah Colombian singer Sakira a perform dawn tih an puang a, he national soccer tournament upa ber Shakira a perform vawi khatna tur a ni. Copa America USA 2024 final hi ard Rock Stadium, Miami-ah khelh a ni dawn a, mipui 54,000 velin a hmunah en tura beisei a ni.
CONMEBOL President Alejandro Dominguez chuan Sakira perform tur hian infiamna hmanga inkungkaihna tha leh inzawmna nghet zawk pawimawhna a puan chhuah ngei a beisei niin a sawi a, “Shakira hi South American star chungnung tak a ni a, kawvelin a ngaihsan leh enrawn a ni. He planet kil tinah hian a hla te an play-in an lam pui a, khawvel ramri thiatin a thiamthil chu maktaduai tam takin kan hlimpui a ni. Copa America USA 2024-a a performance pawh ian infiamna hmanga inkungkaihna tha leh inzawmna nghet zawk siam theih a nihna hi nasa lehzuala puanzar a nih ngei ka beisei,” a ti.
USA a neih Copa America 2024-ah ian CONMEBOL leh CONCACAF team an tel a, June ni 20 atanga tanin, July ni 14-ah an zo dawn a ni.
Sakira hi khawvela infiamna stage lianah a inlan zauh zauh taw a, Super Bowl halftime show leh FIFA World Cup-ah te pawh a lo perform tawh. Hmanni lawk khan a studio album 12-na ‘Las Mujeres Ya No Lloran’ a tlangzarh a, chumi hnu lawkah Times Sqaure-a TSX stage-ah mipui 40,000 chuang tan a perform tawh bawk.