Copa del Rey final: Bilbao vs Mallorca

Kum 1984 hnu lama Copa del Rey trophy chang leh ngai ta lo Athletic Bilbao chuan April ni 6 Copa del Rey final-a Mallorca hma-chhawn turin semi-final an paltlang.
An champion hnu-hnunber hnu lama final vawiruk khela la tlawm ziah Bilbao hian last four khelh hnih belhkhawmah 4-0-in Atletico Madrid an hneh a, an chak theih lohna final an lut leh ta phawt a ni.
Ningani zan semi-final second leg-ah Athletic Bilbao hian February ni 7 away first leg-a Alejandro Be-renguer first-half penal-ty hmanga sikhat faia an hneh tawh Madrid club chu sithum faiin an hneh nawn leh a, khelh hnih belhkhawmah 4-0 hneh-na an chang.
Athletic hian home second leg-ah Nico Williams siamsak atanga Inaki Williams goal thun hmangin first half minute 13-ah hma an hruai a; chawlhlawk dawnah Nico Williams chuan Inaki Williams thawhrah atangin sihnih faia mualneitu team hmahruaina goal a tilut ve leh.
Second half tir lamah Gorka Guruzeta chuan 4-0 aggregate-a Bilbao chakna goal thawh ve lehin, San Mames khelmual second leg inkhel kha a hmunah mipui 52,061 zetin an thlir a, Athletic history-a San Mames inkhel entu tam ber tum a la ni.
Kumin Copa del Rey final hi Seville khawpuia Estadio La Cartuja-in a thleng dawn a, a chak zawk zawk hian 2024-25 Europa League group stage an khel thei dawn a ni.
Final khel tur pakhat zawk Mallorca hi kum 1991 leh 1998 final-a an tlawm hnu khan kum 2003 Copa del Rey final-ah an rawn chak ta hlawl a; kumin semi-final second leg-ah Real Sociedad nen 1-1-in an inhnehtawk a, penalty shootout-ah Mallorca an vannei ta zawk a ni.
La Liga table-a 16-na luah mek Mallorca hian point ruk lekin relegation zone an lut lo a; chutih laiin final-a an hma-chhawn tur Athletic erawh league table-a pangana luahtu niin, an chung chiaha palina luahtu Atletico lakah point khatin an hniam.
Finalist pakhat zawk Athletic hian Copa del Rey trophy 23 la tawhin, tuntum hian quarter-final pakhatah 4-2-in Bar-celona an hneh a; Atletico pawhin heti zat bawk hian Real Madrid an hneh ve bawk.