Covid-19 hri vei zat pung hluai

A reh vang vang hnuah a rawn inlar leh a, tun hnai teah Covid-19 hri vei zat a pung hluai.
May thlaah, ni 12 thlengin Mizoramah Covid-19 hri vei hriatchhuah mi 51 an awm tawh. Mahse ngaihtuahawm an ni lo tih thu dawn a ni.
Integrated Disease Surveillance Programme (IDSP)-in an chhinchhiah danin, kuminah Mizoramah mi 94-in hri an vei tawh a, nikum kum tluana hri vei zat aiin hei hi a tam tawh.
Nikum khan mi 40-in hri an vei a, nikuma hri vei aia tamin kuminah April thleng khan an vei hman; kuminah April ni 30 thlengin mi 43-in hri hi an vei a ni.
Nikum September ni 16-ah hri vei hriatchhuah pakhat a awm a, chumi hnuah hriatchhuah an awm ta lo vang vang. Thla nga chuang a liam hnuah kumin March ni 10-ah hriatchhuah an awm leh a, hriatchhuah belh a ni ta zel rih.
Kumin hian March-ah mi pathumin hri an vei tih hriatchhuah a ni a, April-ah mi 40-in, May-ah ni 12 thlengin mi 51-in an vei tawh. May ni 12 hian hri vei zingah chhuak an awm a, enkawl mek mi 12 vel an awm.
2024-ah khan mi 73-in hri an vei a, 2025-ah mi 40-in; kuminah ni 132 chhungin mi 94-in an vei tawh. Kuminah May thla tir lamah nikum leh nikum hmasatea hri vei zat aia tam hriahchhuah a ni hman.
Tun hnaiah hri vei zat a pung hluai na a, hri a hluar tihnaah ngaih a ni chuang lo. Mithiamte chuan Covid-19 hri vei hriatchhuah a awm fo tura ngaih a nih thu an sawi.