Covid-19 in mi pali-ah pakhat nunna la zel ang

Kum thum a chuan hnuah Covid emergency official a tihtawp a nih hnuah pawh hripui chuan minute li dan zelah mi pakhat nunna la chhat ziah anga ngaih niin a bik takin vaccine la lo te chu dinhmun derthawngah an awm bik tia sawi a ni.
Hripui chu mi tam berte tan hlauhawm lutuk tawh lo a nih laiin mi thenkhatte tan chuan hlauhawm turu tak a la ni thung a. Tun thlengin Covid chu nunna chhattu langsar ber la niin US-ah chuan nikum khan heart disease leh cancer tihloha nunna chhattu ber a la ni a. Politician te pawhin Covid laka invenna pawimawh vaccine lak ngei tur tih te leh hmaituam te chu tihmakmawh angin an kalpui hleithei bik tawh lo.
“Kan duhdan ber chu khawvelin pandemic kalsana Covid chu hnuchhawn a ni a, mahse, vaivutah kan lu kan phum ngawt thei si lo a ni,” tiin Ziyad Al-Aly, director of the Clinical Epidemiology Center, Veterans Affairs St. Louis Health Care System, Missouri chuan a sawi a. “Covid chu mi tam takin la veiin mi tam tak nunna a la la a, chu phurrit chu kan chhawk zangkhai a ngai a ni,” tiin a sawi.
Tun thla tir lama World health organization-in Covid chu emergency a ni tawh lo tia a puan hma daihin sorkar hrang hrangte chuan lockdown leh guidelines te an phelh dul daih tawh a. Thuneitu tena hripui laka invenna kalpui an neihte pawh mipui ten hnein an dawhthei tawh hek lo.
Hripui leng avangin khawvel pumah mi maktaduai 20 chuangin nunna an chan phah tawh a, tun thlengin nunna chan an la awm belh zel a, a bik takin kum upa lam te chu dinhmun derthawng zawkah an la awm reng bawk.
Khawvel huapin dinhmun derthawng zawkte humhimna tur leh hripui leng a inlar nasat leh loh nana hmalakna tumna chu a tlawlh a, a chhan ber pawh khawvel pumah ngaihdan inang a awm theih loh vang a ni a.
Ram changkang zawkah pawh hripui len atanga kum khat vel lekah vaccine a awm tawh chung pawhin mi tam takin an la duh tlat lo. Vaccine lak duh loh avang hian American mi 300,000 chuangin an thih phah tia sawi a ni a, vaccine la ni se chuan khawvel puma nunna chan zahve vel bakin nunna an chan lovang tia sawi a ni bawk.
“Public health politics thila kalpui hi pandemic leng kara vanduaina a ni tih kan hria a. Political leaders te chuan public health piah lamah anmahni hamthatnana hmalakna an kalpui bawk vang a ni,” tiin Al-Aly chuan a sawi.
Khawvel huapa thawhhona pawh politics bawkin a tibuai nasa hle a. China chuan Covid chhuaha Wuhan Institute of Virology chu mithiam tena an enfiah a phal mai hauh lo. Vawiin thlengin pandemic leng laka him theih nana khawvel huapa hmalakna tinah China chu a tel duh bau lo bawk.
“Academic lama thawhhona tha awm thei a ni lo va, China/US an thawk dun thei tlat lo a ni,” tiin Linfa Wang, virologist leh director of the emerging infectious diseases program, Duke-NUS Medical School, Singapore chuan a sawi.
Covid vaccine leh therapeutics lama investment tihte pawh a tlahniam duai duai a, Moderna leh Pfizer te ang chuan an vaccine te tha zawka siam tuma hma an lak mek laiin company tam tak te chuan an bansan thung a.
Chutih laiin Long Covid chu la nasa tak niin hripui kai 10% velin an neih niin post-pandemic medical challenge lian bera ngaih niin economics zawnga thlir pawhin phurrit tling tham a ni bawk.
US-ah chuan long covid vang hian kum 2022 khan $50 billion vel seng anga chhut a ni a, UK-ah pawh Fiscal Studies tena an zirchiannaah long Covid nei mi 10 zinga pakhat chu hnathawk chhunzawm thei lova awm zel ang an ni an ti bawk. Heng long Covid nei tam tak te hian thluak an hmang fim thei lo va, thawk lamah harsatna tawkin an chau em em bawk a ni.
Tunah erawh khawvelin vaccine a nei tawh a, inenkawlna tha zawk hriat a ni tawh bawk a. Test hmangin minute vel lekah hripui kai leh kai loh hriat theih a ni tawh bawk a.
Health expert te chuan hrivenna lak chu invenna tha ber tiin an la sawizui zel a, Americans 16% te chauhin booster dose an la tia sawi a ni thung a. Mahse, thiamna changkang zelah nasal spray te hmangin vaccine la duh an pun beisei a ni thung.
US chuan coronavirus vaccine leh treatment tha zawk siam leh hmuhchuah a nih theih nan $5 billion project a kalpui mek bawk a. Virus insiam danglam anga chaka medicine siam chhuah chu tum ber a ni.
He mi kawngah hian theihtawpin hma a la zui zel a, mahse, company lian tam tak te a hmaa coronavirus vaccine emaw enkawlna lam hmuhchhuah a nih theih nana nasa taka hma la tawhtute tam tak chuan an bansan tawh zawk tia sawi a ni thung.
Hetih lai hian khawvel pumah Covid-19 chu a kaithar an la awm reng a, hmun hrang hrangah a zia pawh inthlak chho zel anga ngaih niin mahse invenna lama langsar tak hmaituam leh lockdown tih te ang chu kalpui a ni ngai tawh lo thung tih theih a ni thung.