Crochet sei record siam

Crochet chu laphiar dan chikhat a ni mai a, laphiar pangngai nen a inan lohna chu phiar fung pahnih hmang lovin, hook ang deuh pakhat chauh an hmang a, an kutzungtang nen tangkawpin an phiar mai thin. Hetiang crochet hian India flag km 14 a sei an phiar tehreng a, record a siam thei ngeiin a rinawm.
Guinness World Records-in crochet national flag crochet sei bera a puan lai chu km 11.78 a sei a ni a, tuna an crochet hi Guinness World Records lamin official-in record a siam thu la puang lo mah se tuna record siamtu aiin a sei zawk a, chuvangin record thar a siam thei ngeiin a rinawm.
He crochet sei zet mai hi hmeichhe 40,000 chuangin an phiar an zawm khawm a ni a, Andhra Pradesh, Maharashtra, Odisha, Tamil Nadu leh Karnataka mite bakah United States, United Kingdom, Belgium, Malaysia, Singapore leh Dubai atang te pawhin an crochet an rawn thawn.
Heng India state hrang hrang leh rampawn atanga India flag crochet te chu dahkhawmin, an thui zawm ta a, a hmalatu leh bultumtu deuh ber chu Madhavi Suribhatla niin, crochet chawilar bakah thalai zawk ten hetiang kut themthiam thil hi an zir uar lehzual theih nana a tih niin a sawi.