Cyclone Gezani-in Madagascar a nuaiah mi 20 vel thi

Cyclone chak takin Madagascar a nuai a, mi 20 vel an thi niin Indian Ocean-a thliarkar ram disaster authority chuan an sawi.
Cyclone Gezani hian Thawhlehni khan tuipui atangin khawmual lutin thliarkar lawngchawlhna lian ber, Toamasina a nuai a ni.
Madagascar-a disaster management office chuan ‘buaina nasa tak’ an tawk tih sawiin in a chim a, ruangte pawh hmuh a ni tih a sawi a. Power line chhia avangin veng tam tak an thim a, thingkung tlu leh in chung hawk a tam hle bawk.
Cyclone-in khawmual a kai laia a chak zawng hi thlalem awm hnuah Toamasina nuaituah chuan a chak ber niin France-a Reunion thliarkar CMRS cyclone forecaster chuan AFP a hrilh.
National Office for Risk & Disaster Management chuan in tam tak chimah mi an thi a. Gezani hian darkar khata km 250-a chakin khawpui hi a nuai a ni.
“In ding 90% vel chung a len chhia a, thenkhat chu a vaia a lak pawh a awm,” tiin Action Against Hunger aid agency-a disaster management hotu ber, Rija Randrianarisoa chuan AFP a hrilh.
Madagascar-a disaster management office chuan hliam tuar tam tak leh mi 4,00,000 vel chenna, Toamasina chhehvel district-a mi za tel hmun himah an sawn chhuak.
Gezani hi kumina Madagascar nuaitu cyclone pahnihna a ni a. Ni 10 liam ta khan tropical cyclone Fytia-in nuaiin mi 14 thiin mi 31,000 vel baihvaiin an awm phah niin UN humanitarian office chuan a sawi.
Cyclone a thawh hma hian thuneitute chuan sikul chawlh puangin emergency shelter-a awm turin mite an ngen bawk.
Madagascar-a meteorological service chuan Nilaini tuk khan Gezani hian a chakna hloh tawhin tropical storm pangngai chauh a ni tawh a, khawthlang lam hawiin ram laili a pan mek zel niin an sawi.
October thlaa thuneihna chang thar, Colonel Michael Randrianirina-a chuan Nilaini tuk khan Toamasina hi tlawhin thil awm dan a en tawh bawk.
Indian Ocean-ah hian Madagascar vela cyclone thawh duh hun hi November leh April inkar niin kum tin eng emaw zat an tuar thin tih AFP chuan a tar lang.