Damdawi in tha tehnaah PHC leh UPHC tling thar

Damdawi in tha tehnaah
PHC leh UPHC tling thar
India rama sawrkar damdawi in tha bik tehna, National Quality Assurance Standards (NQAS) certificate chu primary health centre (PHC) pakhat – Marpara PHC Mamit district leh urban primary health centre pakhat – Zemabawk UPHC Aizawl East district-in an nei thar a. Heti hian Mizorama Health & Welness Centre -PHC 57 target awm zinga 40 leh HWC- UPHC 9 target awm zinga 6-in NQAS certificate an nei tawh.
National Health Mission Mizoram mission director Dr Lily Chhakchhuak sawi danin, NQAS-a tling thar Marpara PHC hian 91.97% a hmu a, Zemabwk UPHC hian 95.98% a hmu.
Heti hian Mizorama sawrkar damdawi in 54 chu NQAS national certificate nei tawh an ni a. Tunah sawrkar damdawi in 16 leh HWC Sub Centre 23-in state level certificate nei tawhin national level assessment an dil mek.
Hei bakah hian Champhai District Hospital chuan nau neihna hmun tha bik tehna, LaQshya leh naupang enkawlna hmun tha bik tehna, MusQan certificate a hmu thar bawk a. LaQshya bikah hian 93.96% hmuin platinum badge an dawng a, MusQan-ah 96.57% an hmu
National Quality Assurance Standards certified damdawi in hi endikna chhawng thum paltlang an ni a. A tawp bera endikna an hmachhawn hi National External Assessment niin, state pawn atangin assessor (endiktu) an lokal thin. Hetah hian a tehnaa 70% chunglam an hmuh tlin chuan certified an ni chauh thin. Certified tawh damdawi inah hian natna darh thei ven kawngah, thawktu zawng zawng an hna bil an thiamna, an level zelah enkawlna an pek that dan, a thlawna enkawlna leh damdawi pek, damdawi in faina leh dik taka damdawi in bawlhhlawh sawngbawl, hawihhawmna leh a chhehvel vawnfai kawngah, environment vawn that kawnga endik an ni.