Damdawi zuarte inkhawmpui
Mizorama damdawi zuar intelkhawm pawl, Mizoram Chemists & Druggist Association (MCDA) chuan Ningani khan Aizawlah general assembly an hmang.
Assembly hmanpuitu Health & Family Welfare joint director (F&D) Lalsawma chuan sumdawng dangte ang lo takin mipui rawngbawltu, chhungkaw tin mamawh an ni tih MCDA member-te chu hrilhin, surgeon tha ber pawh awm mah se, damdawi mamawhte ban phaka a awm si loh chuan awmzia a awm lo tih a sawi. Dan phal loha ruih nana hman chi damdawi zuar rute chu na takin sawrkarin a hrem zel a, drugs license cancel tawh pawh an neih nual tih sawiin, drug license chungchangah sawrkar khauh zual a tum tih a sawi.
MCDA president Lalhruailiana Sailo chuan pharmacist-ten rawih man an inchhiar to ta lutuk chu an pawl tan phurrit a ni tih a sawi a. Pharmacist indaih lohnaah sawrkarin kawng dang dap se, tia an ngenna tih hlawhtlin ala ni lo chu pawi a tih