Defending French Open champion leh world number one ni bawk Iga Swiatek chuan hliam thawh-sanin Ningani khan Porsche Tennis Grand Prix a hmachhawn a, Chinese Zheng Qin-wen lakah 6-1 6-4 hnehna changin Pors-che Tennis Grand Prix quarter-final a lut.
Polish top seed Swiatek hian Stuttgart khawpuia a title kawl lai humhim tura a beih mekna kawngah Karo-lina Pliskova a tum leh dawn a; a hmachhawn tur Czech world number one hlui hian last eight lut turin Croatia player Donna Vekic lakah 6-2 6-7 (5-7) 7-6 (7-5) hneh-na a chang ve bawk.
Kum 21 mi Swiatek hian a nakruh a tihnat avangin thla hmasa Indian Wells semi-final a khelh hnu khan inelna a hmachhawn leh ta lo vang vang a, Miami Open leh Billie Jean King Cup qua-lifiers atangin a in-hnukdawk a ni.
Grand slam title pathum la ve tawh Pole hian hliam thawhsana hnehna a chan leh hnuah a hlim takzet tih sawi chungin tour-nament hmachhawn leh chu a tan a khirh hle tih a sawi a, Indian Wells hnu lama la inkhel leh ta lo vang vang a nih avangin a match khelh-ah zaa zaa insawrbing luih hram hram a ngai tih a tarlang tel.
Germany ram tour-nament hi clay court season-a a match hma-saber niin, la dam-kawr deuh mah se nuamsain hnehna a chang leh thei nghal.
Ningani inkhel dang-ah American fifth seed Coco Guaff erawh 6-2 6-3-in Russian Anas-tasia Potapova chuan a hnawtchhuak a, Po-tapova tum leh tur fourth seed Caroline Garcia chuan inkhel dangah tualchhung player Tatjana Maria chu 7-6 (7-5) 6-4-in a paltlang ve bawk.
Spain nula Paula Badosa chuan 6-1 6-2-a a chipui Cristina Bucsa hnehin, last-eight lamah world number two Aryna Sabalenka a tum leh ang.
Brazilian Beatriz Haddad Maia pawh khelh laklawh laia khel bawr hliam avanga a tumpui Wimbledon champion Elena Ry-bakina inhnuhdawh avangin nuamsain a tlang ve bawk.
Damkawr Swiatek chak zui leh nghal
Get real time updates directly on you device, subscribe now.