Pakistan player-te thlan Chennai leh Kolkata
ICC lam atanga hriat danin Pakistan cricket team chuan 2023 ODI World Cup match khelhna atan Chennai leh Kolkata chiah an duh a, he khawpui pahnih hi an tan him berah an ngai.
Kumin World Cup hi ruahman lawk chhin dan chuan October ni 5 atangin khawpui 12-ah match 46 khelh tur a ni a, he’ng khawpui zingah hian Ahmedabad, Lucknow, Mumbai, Rajkot, Bengaluru, Delhi, Indore, Guwahati, Hyderabad leh Dharamasala a tel.
An khawpui thlan leh duh bik chungchangah Pakistan Cricket Board (PCB) chuan top level ICC executive an be kal mek tih hriat a ni a, thutlukna hrualmum a la ni lo.
ICC Board lam nena inhne hnai tak pakhatin PTI a hrilh danin, “Pakistan hian an sahimna atan Kolkata leh Chennai chiah kumin World Cup match khelhna atan an duh a, BCCI leh India sawrkarah thuk takin a innghat dawn a ni.
“Kolkata khuaah hian kum 2016 khan Pakistan hian T20 World Cup game-ah India a hmachhawn tawh a, security chungchangah player-te an hlimin, an lungawi hle.
“Hetiang chiah hian Chennai pawh hi Pakistan player-te hian an ngaina a, an tana hmunhima an ngaih a ni,” a ti.
Ahmedabad khawpuia mipui 1,32,000 tehreng lenna khawvela cricket stadium lian turu zinga langsar tak Narendra Modi Stadium hi match engemawzat khelhna tur a ni leh ngei dawn a, mahse, ICC tournament final lo dawl tawh a nih avangin tuntum final chu khelmual dangah an nghah hmel.
Team tin hian league stage-ah round-robin format-in game kua theuh an khel ang.
Pakistan player-te thlan Chennai leh Kolkata
Get real time updates directly on you device, subscribe now.
Prev Post
Next Post