Dan loa sumdawngte tan inchinfel hun tiam a liam

Dan loa hnamdang sumdawn puitute an inchinfel theihna atan Central YMA-in hun a bituk sak chu a zo tawh a, tunkar atang hian bawhzui tan a ni dawn.
Central YMA hruaitute sawi danin, tuna hnamdang nen dan loa sumdawnnaa inhnamhnawihte laka hma an lakna tur hi in sakna bungrua – cement, brick, iron rod, balu ang chi zuar an ni deuh rih a. Ni 30 inchinfelna hun an pek chhunga inchingfel tawh awm mah se, thenkhat chuan an ngaipawimawh lem lo nia hriat a ni. Heng mite hi enfiah leh an ni anga, ngenna zawm lo tih finfiahte chu an dawr kalhsak thlenga hma lak zui tum a ni.
Kumin April 10 khan Central YMA hian Aizawl khawpui huamchhunga dan loa hnamdang nena in sakna hmanrua sumdawnpui nia an hriatte hi kokhawmin an lo sawipui tawh a ni.
Central YMA chuan Mizo hming hawh leh dan loa sumdawnna hnamdang thurualpui mi 85 vel list an nei a ni.