Guinness World Record siam a zawng chhang tawh laklawh a, a khat mawi tawkin a siam deuh reng tawh mai a, tunah chuan record 300 chuang a siam tawh. Tunah pawh record a siam leh ta a, a record siam chu second 30 chhunga a lu a shaving cream tat a, table tennis ball sawt lu-a dawng hnem hman ber record a ni.
Rush hian a lu-ah shaving cream a tat luk mai a, chumi hmang chuan table tennis ball banga vawm rawn sawt let chu a lo dawng chat chat a, second 30 chhungin ball 14 a dawng hman a, a hmaa hetiang record chu California lam mi Ronald Sarchian-a’n nikum May thlaa a siam a ni, Ronald-a record hi a rawn nih rual chiah a, tunah chuan an pahnih hian record an siam dun ta a ni.
Rush hian Guinness World Record 300 chuang siam tawh mah se record thenkhat chu midangin an rawn khum a, a record thenkhat chu amah ngeiin a record hmasa a rawn khum leh te a ni bawk a, tunah hian record siam mektu nihna 171-ah a nei mek a, record title kawl tam ber record ni lai chu 181 a ni a, he record hi a khum tumin a bei leh mek a ni.
David Rush hi paho tak emaw kan lo tingawt ang e, MIT atanga electrical engineering degree nei, Boise State University atanga MBA chhuak a ni.
David Rush-a’n record a siam leh ta
Get real time updates directly on you device, subscribe now.
Next Post