Idaho pa, Guinness World Record siam lama hmingthang zet mai David Rush chuan rial no panga a Ping-Pong (TT ball) panga vawm sawt lut rang thei ber record a siam leh ta.
David Rush hian Guinness World Record 275 chuang a siam tawh a, kuminah 300 tlin hman a tum kha a ni a, hei hi tlin thei tak maw. Tun tuma a record siam ang hi a hma pawhin a lo siam tawh a, tun tumah hian second 1.64 chhungin TT ball panga hi glass no panga chhungah a vawm sawt lut vek hman a ni.
Record siam tur hian kum pakhat chauh a hman theih a, glass no len zawng leh san zawng pawh hi record siam nana hman theih chin bithliah a ni a, ball chu no chhunga a luh hmain vawi khat tal a sawt ngei ngei tur a ni a, no chhunga a luh hnuah sawt chhuak loin, no chhungah a awm zui nghal tur a ni bawk.
Hetiang record hi David Rush hian 2018 khan Costa Rica a zinnaah a lo siam tawh a, chumi tum chuan second 3.51 chhung hun a hmang a, he record hi midangin an rawn khum a, chumi Rush bawk hian second 2.03 lek hun hmangin record thar a siam leh a, mahse, he record pawh hi Kenya lam mi, Alikhan Kazia chuan rawn khumin, ani hian second 2 chauh hun a rawn hmang a ni.
Rush chuan record siam leh ngei tumin a inbuatsaih nasa hle niin a sawi a, a tihdan te thlakin, Guinness World Record-in no tung sang lo deuh zawk hman an lo phal ta bawk nen, chu chuan hun tlem zawk hman theih dan a ngaihtuah chhuah tir leh ta a, second 1.64 lek hun hmangin record a rawn siam leh ta a ni.
David Rush-a’n rial no a ping-pong vawm sawt lutin record a siam leh ta
Get real time updates directly on you device, subscribe now.