Death Penalty a India ram dinna

Kolkata-a R.G. Kar Medical College and Hospital a doctor duty lai pawngsual leh rawng taka August 9 a thah a nih hnuah thiltisualtu thi tura a chungthu rel ngiatna a nasa hle a.
Kum 2013 a criminal law amendment awm theih nana Justice J.S. Verma Committee recommendation chaun case danglam takah pawh pawngsual avanga death penalty pek chu a sawi mawi lo thung.

Union Cabinet thutlukna
Union Cabinet chuan kum 2013 a sexual assault kaihhnawiha ordinance a pawm khan death penalty recommendation a ngaihtuah lo va, criminal amendment te chu law ah a pawmpui zui thung. Criminal law te amend a nih theih nan hian December 16, 2012 khan Delhi ah paramedic student gang rape avang a ni a. Justice J.S. verma (retired) kaihhruai committee chuan January 23, 2013 khan recommendation an siam te chu an thehlut a. Death penalty chungchang chu an enkan deuh tia sawi a ni.
Pawngsualtu laka death penalty pek chu a victim-in nunna a chanphah emaw a tuartu chu engmah tithei chuang lova a nung tawk tawk emaw (Section 376A of the Indian Penal Code) leh tum khat aia tam pawngsual atawhin (Section 376E) angah te kalpui theih tur tih a ni a.
Kum 2018 khan dan chu siamdanglam leh niin gang rape a thlenin a vitim chu kum 12 aia naupang (Secton 376DB) a nih chuan thi tur hiala chungthu rel theihna chu hremna naber tih niin chulovah chuan a victim chu kum 16 aia naupang a nih chuan dam chhung lungin tan theihna (Section 376DA) a hrem theih a ni a.
Bharatiya Nayaya Sahita dan thar hnuaiah chuan pawngsual avanga hremna chu Section hrang hrang 64, 65 and 70(2) ah te tarlan niin hmeichhia kum 18 aia naupang gang rape chu death penalty a hremna pek theih tih a ni.
Commitee recommend?
Justice Verma Committee chuan pawngsual tu hremna tisangin kum 7 lung in tantir theihna chu kum 10-ah mai bakah kum 20 leh dam chhung tantir theihna tiin mahse thi tura tih em chu a ti lo. “Mi tu pawh nung tawk tawk che thei chuang lo (vegetative state) a dahtu chu rim taka lung in kum sawm hnih chuang emaw dam chhung lung in tantir tur a ni” tiin a tarlang.
Commitee chuan serious crime kaihhnawiha death penalty pek chuan pawikhawihna a titlem tih chu a dik tawk lo a ti thung a.
Working Group on Human Rights te chuan tun hnai kum 20 chhungin kum 1980 atanga death penalty nasa taka kalpui loh a nih hnuah India ramah tualthahna nasa takin a tlahniam tho an ti.

Marital rape a dinna?
Verma Committee chuan marital rape bik exception pek chu nuaibo ni se a ti a, ‘nupa karah a ni emaw relationship dangah a ni emaw a titu leh a tuartu chu inzawmna nei tia sawi chu tanfung dik a ni thei lo’ a ti. Verma Committee chuan rapost chu a victim nen eng anga inzawmna nei pawh ni se rapist a ni tho a ti bawk a. Mahse, Union government chuan Verma recommendation chu pawm lo thungin marital rape a criminalise duh lo thung. BNS chuan ‘pasal in a nupui mipat hmeichhiatna a hmanpui a, a nupui chu kum 18 chunglam a nih chuan pawngsual a ni lo’ a ti.