Maharashtra-in UPS pawmpui nghal

Maharashtra cabinet chuan State sorkar hnathawkte tan Union government in a kalpui tak Unified Pension Scheme chu a pawm thu a tarlang a.
Kar kalta inrinni khan Narendra Modi kaihhruai Centre chuan central sorkar hnathawk January 1, 2004 atanga lutte tan Unified Pension Scheme (UPS) kalpui a nih tur thu a puang a. National Pension Scheme hmang mek UPS a inlette chuan an pension hma thla 12 chhunga an hlawh lak basic pary atanga 50% an la thei dawn a ni.
Maharashtra cabinet thutlukna siam chuan UPS chu kumin March thla atanga hman tan tur tiin State sorkar hnathawktute pawh a huam vek ang a ti bawk a.
Maharashtra Assembly hi kumin November thlaa tawp tur niin hei vang hian October-November velah State Assembly inthlan neih a nih beisei a ni.
“Cabinet chuan State a loneitute hnenah uninterrupted power supply scheme tihzauh rawtna pawm bawk a. Maharashtra district Nashik leh Jalgaon te ang tena an chhaer ber tur Nar-Par-Goirna river linking scheme Rs 7,000 crore senna tur pawh a pem” tiin tarlan a ni bawk.
He project hmang hian Nar, Par leh Auranga river a luitui 9.19 TMC vel te chu 14.56-kilometre tunnel hmanga la pengin Chankapur dam bula Girna river basin ah chhuah a ni dawn a ni.
He tuilakna hmang hian acricultural land 50,000 hectares velin hlawkna an chang ang tiin Maharashtra cabinet thuchhuak chuan a tarlang.