December aiin January a vawt

Thlasik lai a ni a, tum dang ang bawkin khua a vawt mek. Vawt vin vur han tih tur chu a ni lo a, mahse January-ah khua a vawt rih; nikum December aiin khua a vawt zawk.
Mizoram thlasikah December aiin January a vawt thin a, tun tum thlasikah pawh January a vawt zawk rih.
State Meteorological Centre-in an chhinchhiah danin, kuminah Aizawl vawh ber laiin 10°C a ni a, nikum December-ah chutianga hniam lai a awm lo.
Khawchin chhinchhiahnaah hian ni khata a vawh ber lai leh a lum ber lai an chhinchhiah thin a, kuminah January ni 9-ah a vawh ber laiin 10°C, a lum ber laiin 20°C a ni. 10°C hi vawt lutuk chu a ni lo a, mahse a lum ber lai 20°C hi a lum loh avangin, chawhrualin mihring tan khami ni kha a vawt ang. January ni 10-ah a vawh ber laiin 11°C a ni a, a lum ber laiin 21°C a ni a, hemi ni pawh hi a vawt ang. Chawhruala laka a vawh ber ni chu January ni 8 kha a ni a, hemi ni hi nilengin 19°C ang a ni.
Nikum December-ah khan a vawh ber laiin 11°C a ni a, chu chu ni 12-a mi a ni a, kumina a vawh ber lai aiin a lum hret.
Nikum January-a Aizawl vawh ber laiin, January ni 12 khan 10°C a ni a, kumina a vawh ber lai nen a inang.
Kuminah ruah a la sur lo a, a thlirlawkna lamah pawh ruah sur tur thu a lang rih lo. Nikum khan January-ah a sur a, kum hmasaah a sur lo.