Delhi boruak a chhe zel, UP lamin an rawn belhchhah thin

Delhi boruak a chhe zel, UP lamin an rawn belhchhah thin
Delhi a sorkar na siam mek, Aam Aadmi Party (AAP) chuan an thenawm state Uttar Pradesh bus te chu an ramchhung boruak rawn tihchhiat belhtu nia sawiin, inbiakna neihpui an tum.
Environment minister Gopal Rai chuan chief minister Atishi nen hemi chungchang hi an sawidun thu a sawi a, UP nena an inrinna lai bik phei chu boruak a chhe zual hle nia sawiin, an bus tam takte khuchhuah chu an state pawhin a an tawrh nasat thu a sawi.
Pollution endikna atang phei chuan Delhi khawpui chhung boruak chu a leh hniha a bawlhhlawh tak zet tawh thu an sawi a, lirthei hlui tawh leh bus khuchhuah nasa ho tihreh nan ngaihtuahna hman ran a ngai tawh niin an sawi a ni.
Environment minister Rai chuan, ‘Delhi hian mihring mamawh ang tawk boruak tha kan hmu lo telh telh a, mihring hi kan hrisel lo telh telh dawn. Chuvang chuan kan state chauhin kan hmalak theihna a ni tawh lo, kan CM in min sawipui angin kan thenawm state UP a bus thahnem tak khuchhuah nasa ho hi a tawp theih nan thenawm state te hi kan sawipui a ngai,’ a ti.
Delhi leh UP inrina lai bawr velah hian lirthei lian mai bakah bus ho hian khu an chhuah nasa hle thin a, bus hlui tawh tak tak, endik lem loh UP lam lirthei a tam hle bawk nia sawi niin, hei hi Delhi boruak a leh hniha tichhetu nia ngaih a ni.
Central Pollution Control Board in AQI level an tehna atang chuan Delhi hi level a pechhe hle tawh a, boruak chhe tak a nih thu a tarlang thar hrim hrim bawk.