Delhi Chief Minister Arvind Kejriwal chu April 1 khan April 15 thlenga lung in a khung rih turin a ti.
Delhi court-a Special Judge Kaveri Baweja hmaah Enforcement Directorate (ED) tena Excise policy nena inkaihhnawih money laundering case a thuzawhfiah atana an kawl hun a tawp hnuah hruai a ni a.
ED ten ni 15 chung Kejriwal thuzawhfiah atan an kawl chhungin ‘min thawhpui tha duh lo’ an ti a.
Court a luh hma in Aam Aadmi Party (AAP) leader chuan, “Prime Minister in (amah man chung chang) hmalakna a kalpui mek hi ram tan a tha lo” tiin a sawi.
Court a chungthu ngaihtuah laiin AAP Minister Atishi, Surabh Bhardwaj leh Kejriwal nupui Sunita Kejriwal te pawh an awm a.
ED te chuan March 21 khan Kejriwal chu manin a tukah Special Judge Baweja chuan March 28 thlenga ED te kuta awm turin thupek a pe a. A hnuah ED te ngenna angin court chuan ni li kawl belh phalsak an dilna chu a remti leh a ni.
Enforcement Directorate te chuan Kejriwal chu an zawhna te chhang tha duh lovah puhin an password te pawh hrilh duh lovah an puh bawk.
Delhi CM Arvind Kejriwal lung inah khung
Get real time updates directly on you device, subscribe now.
Prev Post
Next Post