Dictatorial regime pung zual zel ti

Chief Justice of Orissa High Court hlui S. Muralidhar chuan Rakesh endowment lecture Chennai a a peknaah hun khirhkhan tak tihduhdah hluarna, hnam, chi leh sakhua hmanga inthenhranna nasa zel, intluktlanlohna nasa zela retheite retheih belh zelna, mipui tena lungawilohna liantham tak taka an kalpuina leh dictatorial regime tena rule of law an namnulnaah kan cheng mek tiin a sawi.
Tun hnaia United Nations Development Programme tena HUman Development Reports an tihchuahah ‘Ddemocracy paradox’ sawi lan a ni a, chu chu democratic process hmanga tyrants (lal rawng)tena thuneihna an sawhngheh zelna a ni. Rorelna an chang char chara democracy leh rule of law te namnula nuihsawhin a awm a ni.
“Hei hi Palto leh Greek philosopher tena kum sang chuang kaltaa thil thleng thei tia an lo saiw tawh a ni. Plato chuan ram buai thlen hma thil thleng hnuhnung ber chu thuneitute nunrawnna a ni a ti a. Thuneitu nunrawng tak chuan a tirah mipui tan thil tha duh leh tihin bul atan ngei thin a. Plato khan tyrant te chu a tirah an lar em em a, chumi hnuah popular leader chu tyrant-ah a chhuak thin a ti a ni” tiin S. Muralidhar chuan a sawi a.
“Hun dang zawng aiin tun hunah hian humanity-ah rinna kan nghah a ngai a, mihring kan nih angin heng harsatnate hneh thei tur hian kan thawh a ngai a ni. Kan zavaiin nun tha basic value kan dahchian leh zual a ngai a, constitutional values heng intluktlanna, zalenna, zalen taka thil ngaihtuah leh sawi leh sakhua biak theihna te, zahawm taka nun theihna leh a pawimawh ber inunaunate kan chawilen zel a ngai a ni” tiin a sawi bawk.
A thusawi thupui ‘Guilty Till Proved Innocent – Dark areas of criminal jurisprudence’ tihchungchang pawh sawiin dan hmanruaa hmanga mipuite fundamental rights chhuhsakna chu a hluar mek a ti bawk a. Khawvel hmun hrang hrangah dan chu midang rahbeh nan leh thiltithei tena kutke berah an thuneihna sawhngheh nan te, inthlan hmangtein an amahni elpuite rah beh nan an hmang a ni a ti bawk.
United Kingdom, United States leh India ramah ngei pawh human rights bawhchhiatna a hluar ti bawkin, mi an thiltihsual ni miah lova thiam chantir niin an hun tha te lung bangah hmanral tirna a hluar hle a ti bawk a.
India ramah ngei pawh special criminal law – Terrorist and Disruptive Activities (Prevention) Act (TADA), Prevention of Terrorism Act (POTA) leh Unlawful Activities (Prevention) Act (UAPA) te chuan rinhlelh te chu thiamloh chantir nghal a kawk a, an thiamlohna prove turin a tur zawk a ni, police-te hnena statement an siamte chu finfiahna zawnga pawm theiha siam niin police tena investigation hun tiam chhunga an zo hman lo a nih pawhin hun rei zawk tantir theiha siama awmin bail a chhuah chu theihloh tluka siamin a awm a ni a ti bawk.
Zirlaite chu dan hlui Indian Penal Code, Code of Criminal Procedure leh Indian Evidence Act thlaktu dan thar pathum – Bharatiya Nyaya Sanhita, Bharatiya Nagrik Suraksha Sanhita leh Bharatiya Sakshya Adhiniyam te chuan danglamna nasa tak a siam dawn lo tih hre turin a chah bawk a. Thuneitu tena decolonised tia an sawiah chuan engmah danglam a awm chaung lo a ti bawk.
Dan kalpui leh hman danah pawh thleibik neihna a thleng nasa tibakwin United States ah chuan mihang te lung in tang an tamfal nalh a, India ramah pawh Muslim undertrial a awm mek chu 21.9% lawih an ni a, India mipui chhut chuan 14% chauh an ni thung. Chutiang bawkin Scheduled Caste leh Scheduled Tribes undertrial pawh 21.6% leh 12.4% lai an tling a ti bawk.