Dil sangha khawihtute zirtir

uncil for Agricultural Research – Central Institute of Fisheries Education) leh Mizoram Fisheries department tangdun chuan Aizawl district-a sangha dil siamtu thlanchhuah mi 20 tan dil sangha khawi lama tunlai thiamna changkang zawk hmanga enkawl dan an zirtir.
Thawhlehni khan Fisheries minister Lalthansanga’n training hi a hawng a. Sangha khawiin hma a sawn theihna tur leh sangha tam zawk tharchhuah theih nan central leh state sawrkarin nasa takin hma a la tih sawiin, sangha khawi chu ei leh bara intodelhna atana beiseiawm leh pawimawh tak a ni a. Mizote tih dan leh scientific method kaihkawp thiama sangha tam zawk thar tum turin a fuih.
Fisheries commissioner & secretary H Lalengmawia chuan Mizoramin sangha khawina hmuntha a neih atanga zaa 35 chauh hman tangkai a la ni tih a sawi a. Tharchhuah tihpun a ngai tih a sawi. Cyclone Remal vanga sangha dil sah leh chhiate siamthat ngai chu sawrkar laipuiah dil mek a a ni tih a sawi bawk.
Training hi ni thum awh tur a ni a, ICAR-CIFE Kolkata atanga lokal principal scientist & head Dr TK Ghoshal, principal scientist Dr Parimal Sardar leh Mizoram Fisheries department atangin Dr C Laltlanmawia ten an zirtir ang.
Minister hian training-a telte hnenah dil tui thur leh thur lo enna – pH kit leh dissolved oxygen enna DO kit a sem nghal a ni.