District Miss Mizoram Mamit, Siaha, Champhai & Lunglei

Miss Mizoram 2026 thlanna a District hrang hrang aiawh a audition ngai lo a final round a tel nghal thei tura District MJA ten District Miss Mizoram an tlan te chu puan belh zel an ni a, Miss Mizoram Mamit, Miss Mizoram Lunglei, Miss Mizoram Champhai leh Miss Mizoram Siaha te puan an ni leh ta. A hmain Miss Mizoram Serchhip leh Miss Mizoram Lawngtlai puan a lo ni tawh bawk a, tihian District paruk aiawh tura District Miss thlante an puang ta a ni.
Miss Mizoram Mamit 2026 hi Malsawmtluangi, Bazar Veng, Mamit a ni a, Miss Mizoram Siaha hi Jennifer Lalthaliani, Siahatla, Siaha niin, Miss Mizoram Champhai hi C Vanlalnunpuii, Champhai Vengsang a ni a, Miss Mizoram Lunglei chu Ruthi Lalruatpuii, Lungrang South, Lunglei a ni.
Issue hmasa lama rawn tarlan tawh angin Miss Mizoram Serchhip chu Vanlaltanpuii, Bazar Veng, Serchhip a ni a, Miss Mizoram Lawngtlai chu |hahleimawii, Bethel Veng, Lawngtlai a ni.
Kumin hian ‘Miss Mizoram’-in crown bakah lawmah Rs 2,00,000 leh scooter thar a dawng ang a, hei baka hian foreign-a zinna chance a nei dawn bawk a ni.
Miss Mizoram 2026 hi thla hnih dawn kalpui a ni dawn a, hetih chhung hian contestant ten grooming session chi hrang hrang an nei dawn a, a tawp kharna, grand finale chu April ni 24, 2026-ah R Dengthuama Stadium a neih tura ruahman a ni.