Pathianni zan khian German Bundesliga 2022-23 khelh zawh a ni dawn a. Bundesliga hmawrbawk zanah champion tur tihchian a ni dawn. Point hniha hmahruai mek Borrussia Dortmund in Bayern Munich rorelna an tihtawpsak thei dawn em tih chu football ngainatute hriat chak a tling.
Point hniha hmahruai mek Borussia Dortmund hian an mualah pakuannaa awm mek Mainz an mikhual dawn a, an mualah hnehna chang thei ngei tur an ni. An mualah an chak a nih chuan Bundesliga ah vawi 10 zet champion zawn tawh Bayern Munich rorelna an titawp ang a, champion thar an ni ang.
Champion lai Bayern Munich hian Mimualah 10-naa awm mek FC Cologne an hmachhawn dawn. Rhein Energie Stadion-ah hnehna chang pawh nise an chunga awm Dortmund in hnehna an chang a nih chuan an trophy kawl mek laksakin an awm dawn. Bundesliga-a vawk lal len Bayern Munich hian an manager Julian Nagelsmann an thlak a, PSG, Chelsea leh Dortmund manager hlui Thomas Tuchel an ruai. Tuchel hnuaiah beisei an phak lova, an trophy hloh thei dinhmunah an ding mek. Bundeliga-ah an champion zo lo a nih chuan hun rei tak hnua season an hman chhiat ber tum a ni ngei ang.
Bundesliga atang hian Borussia Dortmund, Bayern Munich leh RB Leipzig ten Champions League an khel dawn tih a chiang tawh a. Point 59 hmu mek 1. FC Union Berlin leh SC Freuburg ten champions league khelh phak an inchuh zui leh ang.
Dortmund an champion thei dawn em?
Get real time updates directly on you device, subscribe now.
Prev Post
Next Post