Union Home Minister Amit Shah chuan Nrendra Modi sorkar chuan India atangin drugs hlauhawm te a nuai bo vek dawn tia sawiin hei bakah hian India rama narcotics chawk luh a remti dawn lo tiin a sawi bawk.
International Day Against Drug Abuse puala video message a tihchhuahah Home Minister chuan India chuan narcotics lamah zero-tolerance policy kalpuiin rah tha a chhuah a lang tan mek tiin a sawi bawk a.
Shah chuan, “India ramah narcotics trade eng chi pawh kalpui kan rem ti lo va, India ramah drugs chawk luh kan khap bur bawk,” tiin a sawi a. “Kan tanho leh thawhhona kaltlangin drugs hlauhwm te nuai bo in drugs-free India kan tihhlawhtlin ngei theih ka beisei a. Chakna kan chan hma chuan kan chawl lovang,” tiin a sawi bawk.
Shah chuan thawhhona tha tak zarah kum 2014 leh 2022 chhungin narcotics Rs 22,000 crore hu man a ni tawh tiin a sawi bawk a. Chu chu kum 2006 atanga 2013 inkara Rs 768 crore hu man ai chuan sang tak a ni tiin a sawi bawk.
Drugs peddlers te laka case siam sak pawh 181% in a pung tiin a sawi bawk a. Kum 2006 atanga 2013 khan 1,257 case siam sak an awm a, kum 2014 atanga 2022 ah chuan 3,544 an awm tiin a sawi bawk a. Hei bakah hian June 2022 atangin drugs six lakh kilogram tihchhiatin a awm tawh a ti bawk a. “Hengte hian Modi sorkarin drugs-free India siam a duhzia a pholang a ni,” tiin a sawi bawk.
Narcotics trade lama hlawhtlinna chu Modi sorkarin policy a neih that vang tiin a sawi bawk a. Shah chuan pawl hrang hrang leh state sorkarte pawhin theihtawp an chhuah thu sawiin mahse mipuite thlawpna tel lo chuan chakna chan theih a ni lo a ti bawk.
Shah chuan mi tinte chu damdawi hman sual theih laka fihlim tura ngenin Home Minister chuan drugs te chuan thalai leh society dinhmun chhiaah a siam a ni mai lo va, ram security atan pawha pawi a ni tiin a sawi bawk.
Drugs-free India siam ti
Get real time updates directly on you device, subscribe now.