Ed Sheeran-a’n Gold BRIT Billion Award dawngin record a siam

UK-a stream vawi tluklehdingawn 10 hlawh thei te hnenah Gold BRIT Billion Award an hlan thin a, hetiang award hi Ed Sheeran-a’n a dawng a, British artist zinga hetiang award dawng thei hmasa ber a ni.
Ed Sheeran hian a award lawmna video Instagram-ah post-in, a special edition award keng chungin, “Min lo stream thin zawng zawng te avangin lawmthu ka sawi e. A va nuam em, British nih hi a nuam a ni,” a ti. Ed Sheeran hla hrang hrang stream hi UK-ah tluklehdingawn 10 a tling tawh a, chung zinga tluklehdingawn 1 khat chu tun thla 12 chhunga mi a ni nghe nghe.
Sheeran chuan, “UK-a stream tluklehdingawn 10 neih tlin avanga BRIT Billion Award dawng thei hmasa ber nih hi a hlimawm khawp mai. Ka fans zawng zawngte chungah lawmthu ka sawi takzet a ni. In tel lo chuan heng hi engmah ka thleng thei lo ang,” a ti bawk.
Ed Sheeran hian UK Official Chart-ah pawh record a lo siam nual tawh a, kum khat chhung chhunga official album chart top 10-a lang thei album pali nei thei hmasa ber a ni a, British solo artist zinga kum khat chhung official singles chart-a catalog No.1 pui thei hmasa ber a ni bawk.