El Nino avangin khawvel lum zual zel

Khawvel ram hrang hrang China atanga United States thlengin heatwaves in a nuai mek a, hei hi climate phenomenon El Nino an tih maiin temperature a tihsanin a thlen a ni.
Scientists te chuan climate change leh El Nino thlengte chu extreme heat thlen chhan tia sawiin khawlum lutuk hian Beijing leh Rome khawpuiah pawh temperature record siamin American maktaduai 80 vel zet chu khawlum turuin a tuamin an awm mek bawk.
June thla khan U.S. National Oceanic and Atmospheric Administration (NOAA) te chuan El Nino a thlen mek thu an sawi a. Tun hnai kum thum chhung chu khawvawt zawk La Nina-in a tuam a ni thung.
Scientists te chuan kumin bik chu khawchin duhawm lo tura an ngaihsa niin kum 2016-a El Nino vanglai khan khawvel tun thlenga a lum ber record a thlen hial a. Meteorologists te chuan El Nino bakah climate change chuan khawvel temperature chu a tisang zual zel dawn an ti reng a ni.
Mithiamte chuan tuipuia thil thleng an ngaihven hle bawk a. El Nino a awm chuan Eastern pacific tuipui te chu a pangngai aiin a lum zawk tihna a ni bawk a. Khawvel huapin sea temperature chu May leh June khan a lum ber a thleng sa tawh tiin European Union hnuaia Copernicus Climate Change Service te chuan an sawi a, hei hi extreme weather nasa zawkin a thlen thei a ni.
“Kan la hriat ngai lohah kan lut mek a ni,” tiin Michelle L’Heureux, meteorologist, NOAA’s Climate Prediction Center chuan a sawi a. Kumina El Nino avang hian economic lama hloh $3 trillion vel lawih a thleng turah journal Science te chuan an sawi lawk a. extreme weather chuan agricultural production, manufacturing te tihniamin disease a tidarh thei bawk.
Ram derthawng zualte chuan theihtawpa hma lain Peru chuan El Nino nghawng ven nan $ 1.06 billion a dah hial a, cyclone-in kum tina a nuai nasat ram Phillippines pawhin special government team a din hial bawk.
Engin nge El Nino thleng?
El Nino hi natural climate pattern niin eastern Pacific-a tuipui a lum pangngai aia lum daihin a hrin a ni a.
Trade wind khawchhak atanga khawthlang lam hawia equatorial Pacific a tleh chu air pressure inthlak danglam avangin tlahniamin emaw inletin a awm thin a, mahse, scientists te chuan hei chauh hi he cycle siamtu hi a ni lo chu an ti.
A chhan chu trade winds chuan ni-in surface water a tihlum chu a khawih danglam thin a, hei vang hian western Pacific tui lum chu central leh eastern pacific basin lamah a nawr let ta thin a ni.
Kum 2015-16 a El Nino nat ber lai khan sangha chikhat anchovy stocks te chu Peru-ah tuilum nena intawksir avangin an tal buai hle a, Australia a great Barrier Reef a coral zahve vel zet an thih phah bawk a. Tuilum nasa chuan coral te chu khawih na hlein algae te ti thiin hei vang hian harsatna a siam nasa hle a ni.
Eastern pacific-a tuilum inchhekkhawl atanga lumna pekchhuah chu atmosphere ah chhovin chu chuan thlipui te pawh a siam thei a ni.

El Nino-in khawvel weather a khawih dan?
Storm activity insiam danglam chuan khawvel hmun tina weather khawih danglamtu fast-flowing air te chu a khawih danglama hei hi subtropical jet stream tih a ni.
“Storm highway i thlak danglam a nih chaun khawchin awmdan inthlak danglam i beisei a ngai ang,” tiin DilIberto chuana sawi a.
El Nino hun lai chuan southern United States chuan cooler leh wetter weather a tawng thin a, chutih laiin US West leh Canada lamah chuan khaw ro leh lum zawk an tawng thin.
Central leh South America lamah chuan ruahsur nasa tak thleng thinin mahse Amazon rainforest bikah chuan boruak a ro hle thin thung a. Australia chuan extreme heat, khawkheng leh phulhmun kang nasa tak a tawng thin a ni.
El Nino chuan Horn of Africa tun hnaia furpui kum nga lai tawng tawh lo chu malsawmna a thlen ve thei thung a. El Nino chuan Horn tan hian ruahsur nasa zawk a thlen thei thung.
El Nino leh La Nina hi a tlangpuiin kum hnih atanga kum sarih chhungin a thleng ziah anga ngaih niin El Nino hian thla 9 atanga 12 a daih tlangpui a, La Nina thung hi chuan kum khat atanga kum thum te a awh thin thung.
Scientists te chuan climate change-in El Nino leh La Nino a khawih danglam theih dan chu zirchianna an nei mek a. Tun dinhmunah chuan climate change in El nino te chua thlen zintir em tih te an zirchiang mek a ni.