Eminem hla thar ‘Houdini’ chu Billboard Global 200 chart No.1-ah a debut a, he chart-a Eminem hla No.1 ni thei hmasa ber a ni. Billboard Global 200 chart hi September 2020 atanga an tih tan chauh a ni thung.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
Eminem hla thar ‘Houdini’ hian kar khat chhungin stream maktaduai 121.4 leh sales 72,000 a tling thei a, hei hi chart No.1-ah a debut pui ta a ni. He hla hi rap hlaah chuan kar khat chhunga khawvel huapa stream nasat ber a la ni a, a hmaa hetiang record siamtu chu Kendrick Lamar ‘Not Like Us’ kha niin, a vanglai berin kar khatah stream maktaduai 118 a kai thei a ni.
Sabrina Carpenter ‘Espresso’ chu No.2-ah bawk awm lehin, chart No.1 hlui Tommy Richman ‘Million Dollar Baby’ chu No.1 atangin No.3-ah a tawlh a, chart No.1 hlui tho Post Malone ‘I Had Some Help’ featuring Morgan Wallen chu No.3 atangin No.4-ah a tawlh a, Shaboozet ‘A Bar Song (Tipsy)’ chu No.6 atangin No.5 a kai thar ve leh ta bawk.
Billboard Global 200
Top 10:
1 Houdini – Eminem
2 Espresso – Sabrina Carpenter
3 Million Dollar Baby – Tommy Richman
4 I Had Some Help – Post Malone Featuring Morgan Wallen
5 A Bar Song (Tipsy) – Shaboozey
6 Birds Of A Feather – Billie Eilish
7 Not Like Us – Kendrick Lamar
8 Lunch – Billie Eilish
9 Beautiful Things – Benson Boone
10 Too Sweet – Hozier
Eminem hla thar ‘Houdini’ a lar ber
Get real time updates directly on you device, subscribe now.
Prev Post