Federation of Mizoram Samagra Employees (FEMSE) hnuaia thawkte zingah hlawh la thei lo an awm loa, hlawh an la tha tih School Education minister Lalchhandama Ralte chuan a sawi.
Assembly Session-a Congress member Zodintluanga Ralte zawhna chhangin School Education minister chuan, FEMSE zawmtu association 10-a inziaklut zingah hlawh la thei lo an awm loa, sawrkar atangin an thawh hlawh a hun taka lak loh chang erawh an nei ve thin tih a sawi.
Zawhbelhna a chhannaah minister chuan FEMSE hian hlawh an la tha em em a, sawrkar kal tawhte ngaihtuah chuan MNF ministry-ah hlawh la tha ber an ni tih an inhria tih sawiin, “Hun hmasaah chuan thla 6 te, thla 4 te an la loa, tunah thla 2 lak loh te chu an nei ngei; nikum December ah khan department dang zawng zawngin hlawh an lak loh lai khan hlawh an la. Tunah pawh karleh maiah January leh February hlawh pek kan tum a, tuna kan pek tlai chhan chu, an hlawh kan tihpun vangin arrear-te chhutfel a ngai a ni,” a ti.
Samagra hnuaia thawk mi 5000 chuang, an luh hlim atanga hlawh ngai la la ngar ngarte tihpun sak an ni a. 15% DA angin an vaiin tihpun sak an ni tih Lalchhandama Ralte chuan a sawi. Hmun khirh tak taka awm an ni a, medical facilities engmah an neih loh avangin medical allowance thla tin Rs.1000 an pe tel tih a sawi bawk.
“A lut hlim leh kum 15/20 dawn thawk tawh, hlawh inang pat thin pawh tuna a tharah chuan anmahni milpui zirtirtu angin kum 8 an thawh tlin tawh chuan 5% DA tihpun sak an ni anga, kum 16 thawh tlinin 10% in a pung dawn a ni,” a ti.
School Education department-ah zirtirtu leh thawktu dang post 3000 chuang ruak a awm a, an indaih lohna a nasa tih tih a sawi a. SEDP hnuaiah zirtirtu lak belh turin finance changtu chief minister hnenah an ngen tih a sawi bawk.
EMSE hlawh la thei lo awm lo
Get real time updates directly on you device, subscribe now.
Next Post