Excise & Narcotics Department chuan tun thla 6 chhung khan Mizoramah heroin kg.36 chuang a man hman a. Rakzu litre 40,000 chuang a man bawk.
END chhinchhiah danin, kumin January atanga June thla chhung khan heroin kg. 36 leh gram 432 an man a. Heroin bakah hian ganja kg. 70.024 leh ruihna atana hman chi damdawi tui leh a mum chi hrang hrang engemawzat an man bawk a. ND&PS Act tlawhchhana man leh a kawltute pawh thubuai siamsak \hin a ni.
Hemi hun chhung vek hian zu khapna dan hnuaiah rakzu litre 43,855 an man a, a senchi (IMFL) um puitling 9,358, a chanve um 1,130 leh a quarter um 835 an man a; Burma zu tia hriat lar BEDC litre 1,473 bakah beer can leh um chi engemawzat an man bawk.
July 2 zan dar 10.30 khan Bawngkawn Sairang Road-ah Excise & Narcotics Department hian heroin kg.4 leh gram 85 (hawng 362) leh a neitu nia puh mi pahnih – Abu Saleh Mohammad Saiyd Uddin (25) Karimganj Assam leh Samir Akhtar Laskar (30) Cachar Assam nia inchhalte leh heroin phurhna atana hman car AS 11 EC-5379 pawh hren a ni. Heroin hi Myanmar a\anga lak, state danga thawn chhuah tur niin an sawi.
END-in thla 6 chhungin heroin kg. 36 man hman
Get real time updates directly on you device, subscribe now.
Next Post