Engineering College leh MZU Southern
Campus ah YMA Sub Hqrs-in hma lak rel
YMA Sub Hqrs Lunglei chuan Lungleia Engineering College leh MZU Southern Campus a taka kalpui thuai a nih theihna’n hma lak an rel.
YMA Sub-Hqrs Lunglei hian March 29-30 chhung khan Chhipphir khuaah inkhawmpui vawi 39-na an hmang a. Rorel inkhawmah Group YMA leh Sub Hqrs Executive atanga agenda lut 10 chu pass vek a ni.
Agenda an pass langsar zingah Lunglei tlak lama by pass road tih hlawhtlin thuai a nih theihna’na hma lak, Lungleia Engineering College leh MZU Southern Campus a taka kalpui thuai a nih theihna’n hma lak, Lungleiah Traffic Branch puitling a awm thuai theihna’n hma lak, RRF Tlabung mipuiin harsatna an tawhnaa hma lak, leh, YMA Sub Hqrs Lunglei huapin hnam lam intihsiak buatsaiha an huamchhunga ramri hrul khuaa nghah; Zobawka sports academy hmun tur hma lak mek siam peih tep tawh chu a nih dan tura peih thuai a nih theih nan hma lakte a tel a ni.
Kum 2023- 2024 budget atan Rs. 19, 61,300 an pawm a. Kum hnih chhung atana YMA Sub Hqrs hruaitu thlan a ni. Chanchinbu tha leh ‘Ram leh hnam humhalh’ tih thupui hmanga thu inziahsiaka tithate hnenah lawmman hlan a ni.
Engineering College leh MZU Southern Campus ah YMA Sub Hqrs-in hma lak rel
Get real time updates directly on you device, subscribe now.