England captain hlui a chawl
One-day international leh T20 world ranking-a England number one nihpui tawhtu England captain hlui Eoin Morgan chuan cricket khelh dan chi hrang hrang (all formats) a chawlhsan thu a puang.
Kum 36 mi hi Dublin khawpuia piang niin, nikum June thla khan international game bik chu a lo chawlhsan tawh a, tunah cricket game a bansan ve leh ta a ni.
Morgan-a kaihhruaina hnuaiah hian kum 2012 World Cup-ah England an champion a; tarlan tawh angin, ODI leh Twenty20 ranking ler an luah tawh bawk.
Thawhtanni khan Morgan hian a chawlh thu hi a puang ta a ni.
Cricket khelh dan chi hrang hrangah Morgan hian Middlesex tan match 275-ah run 8,913 siam tlingin, The Hundred (inelna)-ah London Spirit captain a ni tawh a; Indian Premier League lamah pawh Kolkata Knight Riders hruai hna a lo chelh tawh bawk.
Kum 2006-ah Ireland behchhanin a interna-tional career a tan a; kum 2009-ah Test cricket khelh duh avangin a dinhmun a tidanglam a; Test vawi 16 a khelhah white-ball game timi a nihna a pholang.
2010 T20 World Cup trophy hawntu England team-ah telin, kum 2012-ah T20s captain-a hlan-kai niin, kum hnih hnuah one-day team captain hna a chelh zui leh a, Sir Alastair Cook a thlak.
ODI captain ni chunga a tournament hmasaber 2015 World Cup-ah England chuan knock-out stages lut zo lo mah se kum li hnu Lord’s-ah England chu harh-tharna chanpuiin New Zealand lakah hnehna lian an sualchhuak.
Captain ni chunga a England record chu ODI vawi 126 chak leh T20s vawi 72 chak a ni.