Engtik atangin nge mihring kan in-kiss tan

Engtik atangin nge mihring kan in-kiss tan
Scientist ten zirchianna an neih thar atanga an hmuh danin mihring te hi kum 4,500 kaltaah pawh khan an lo in-kiss tawh niin an sawi. Zirchianna hrang hrang an neih atanga an hmuh chhuah tharah hian kum 3,500 vel kalta atanga in-kiss tan anga tun hmaa ngaihdan awm thin chu kum 1,000 dawrhin a rawn sawn hla leh ta a ni.
Scientist-te hian Iraq leh Syria-a hlum hmanga milem siam hlui tak tak an laih chhuahah te chuan in-kiss lai lem a awm nual niin an sawi a, Mesopotamian hunlai pawh khan in-kiss hi an lo uar viau tawh niin an ngai a ni.
University of Copenhagen a mithiam te chuan in-kiss hi hmun pakhat atanga rawn darh pawh ni bik lovin, culture hrang hrangah ama tawka rawn chhuak ve mai niin an ngai a ni. Tunhma deuh kha chuan in-kiss hi Asia chhim lamah kum 3,500 vel kalta atanga tan zi chhuak niin an ngai thin a, mahse, he ngaihdan hi an rawn thlak leh ta a ni.
Kum 4,500 vel kaltaa in-kiss thin tawha ngaihna hi Mesopotamia hunlaia Euphrates leh Tigris lui kam vel, tuna Iraq leh Syria velah hlum hmanga siam lungphek cuneiform script inziahna te an hmuchhuak a, heng hlum phek chi hrang hrang an laih chhuahah hian Babylon lam hlum milem, BC 1800 vela mi daih tawh, mihring in-kiss lai lem a tel a ni.