Morgan Wallen hla hit ‘Last Night’ chu Billboard Hot 100 (singles) chart-ah a No.1 a, he chart-a kar riat a No.1-na a ni ta. Hetihrual hian Toosii ‘Favorite Song’ pawh top five a kai a, Bad Bunny hla thar pawh top 10-ah a debut.
Billboard Hot 100 chart hi kar khat chhunga US-a hla lar dan tehna a ni a, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Morgan Wallen ‘Last Night’ hian kar khat chhungin radio airplay ngaithlatu maktaduai 65.4 neiin, streaming maktaduai 32.7 leh download sales 9,000 a la tling a, hei hi chart-ah a No.1 pui leh ta a ni.
Chart No.1 hlui Miley Cyrus ‘Flowers’ chu No.3 atangin No.2 a kai thar leh a, chart No.1 hlui bawk SZA ‘Kill Bill’ pawh No.4 atangin No.3 a kai thar ve leh ta bawk.
Toosii ‘Favorite Song’ chu stream maktaduai 22.4, radio airplay ngaithlatu maktaduai 36.4 neiin No.8 atangin No.5-ah a insawn a, Toosii hi he chart top five-a a lan vawi khatna a ni.
Eslabon Armado leh Peso Pluma ‘Ella Baila Sola’ chu No.5 atangin No.6-ah a tawlh a, Lil Durk ‘All My Life’ featuring J Cole chu No.2 atangin No.7-ah a tawlh ta bawk.
Bad Bunny hla thar ‘Where She Goes’ chu stream maktaduai 23.4, radio airplay maktaduai 2.9 leh download sales 2,000 tlingin No.8-ah a debut a, he chart-a top 10 kai thei hla 10 a neihna a ni.
Metro Boomin, The Weeknd leh 21 Savage “Creepin'” chu No.7 atangin No.9-ah a tawlh a, Luke Combs ‘Fast Car’ chu No.9 atangin No.10-ah a tawlh ta bawk.
Morgan Wallen ‘Last Night’ a la Hot ber
Get real time updates directly on you device, subscribe now.
Prev Post