Sazu pakhat, a hminga Patrick Stewart an phuah chu chhinchhiah theih china sazu damrei ber niin, February ni 9, 2023 khan kum 9 leh ni 210 a upa a ni. A hmaa sazu damrei ber record siamtu chu Fritzy niin, kum 7 leh ni 225 a dam a, 1985 khan a thi ta a ni.
Patrick Stewart hi Pacific pocket mouse a ni a, North America-ah chuan sazu tê ber chi an ni a, an mang (extinct) tawh emaw an tih hnuah 1994 khan tlem an hmuchhuak leh ta a ni.
Pat hi July ni 14, 2013 khan Pacific Pocket Mouse Breeding Facility, San Diego Zoo Safari Park-ah a piang a, hetah hian a awm chhun ta reng a ni. Pat-a pian kum leh a ni leh thla hi medical record leh animal record log hrang hrang atanga finfiah a ni.
Pacific pocket mouse te hi ramhnuaia an awm chuan chawhrualin an damrei zawng chu kum 1 atanga kum hnih a ni a, mihringin an vulh chuan kum 4 atanga kum ruk a ni ve thung.
Sazu te hi an than chak dan leh puitlin chak dan atanga mihring nena khaikhin chuan, mihring kum khat leh sazu tana ni 9 a intluk vela ngaih a ni.
Sazu damrei ber kum 9 a dam
Get real time updates directly on you device, subscribe now.
Prev Post
Next Post